Партиялық билеттер табысталды

Президент Қ.Тоқаев ха­лық­­­қа арнаған Жолдауы мен саяси ре­­­фор­маларында заман талабы мен ха­лық сұранысына сай еліміздегі пар­тия­­­лардың жұмысын жетілдіру қажет­тігін айтқан болатын. Соған сәйкес бұ­рын­­ғы Nur Otan партия­сы AMANAT болып өзгертіліп, атауы­ жаңарған партия халық игілігі үшін қа­был­данған сайлауалды уәделерін орын­дауға белсене кі­рі­сіп кетті. Сәй­кесін­ше, партия мүше­ле­рі де артып, олар­ға партиялық билет­тер табысталуда.

Апта ағымында AMANAT партиясының Сырдария аудандық филиалында салтанатты басқосу өтті. Онда аудандық фи­лиалдың атқарушы хатшысы Е.Жақып партия қатарына жа­ңадан қабылданған азаматтарға партиялық билеттер табыс­тады.

– Өздеріңізге мәлім, Мемлекет басшысы Қасым-Жомарт Кемелұлы Тоқаев ірі саяси реформаларды қолға алды. Біз тә­уелсіздік шежіресінің жаңа парағын ашып, Президенттің ұйтқы болуымен «Жаңа Қазақстанды» ел болып бірге құруға батыл қадам бастық. Осы ретте барлық күш-қайратымызды ортақ мақсатқа жұмылдырып, игілікті істерді сапалы әрі нә­тижелі жүзеге асыруға атсалысуымыз қажет. Осыған орай AMANAT партиясына да ауқымды міндеттер жүктелуде. Біз халық алдындағы уәделерімізді орындап, сайлауалды бағ­дарламадағы басым бағыттар бойынша бірлесе жұмыс істейтін боламыз. Осы жұмыстарға партия қатарына қабылданып жат­қан азаматтар да белсене атсалысады деп сенемін, – деді ау­дандық филиалдың атқарушы хатшысы Е.Жақып.

Салтанатты басқосуда аудандық мәслихаттағы AMANAT партиясы депутаттық фракциясының мүшесі А.Ибрагимұлы жетекші партияның рөлі мен ауқымды саяси реформалардың ел үшін маңыздылығы туралы пікір білдірді.

– Мемлекет басшысы соңғы үш айда ауқымды сая­си реформалар жариялады. Бұл реформаларды Екінші Респуб­ли­каның саяси іргетасы мен негізі деп қабылдауға болады. Президенттің осы тарихи шешімдері – жаңа әрі әділетті Қазақстан құру жолында жасалған ірі қадам. Мұның барлығы саяси бәсекелестікті күшейтуге жол ашып, Қазақстан азаматтарына жаңа әрі тең мүмкіндіктер береді. Сәйкесінше, AMANAT партиясы Конституциялық реформаның маңыздылығын те­рең түсіне отырып, елдегі жаңашыл бас­тамаларды қолда­ды. Мәселен референдум кезінде саяси науқанның мән-ма­ңызын халыққа жан-жақты түсіндіру мақсатында партия жа­нынан республикалық және 17 өңірлік штаб құрылды. Оның құрамына орталықтағы және өңірлердегі AMANAT пар­тиясының белсенді мүшелері кірді. Бұл жұмысқа Парла­мент пен мәслихаттардағы фракция депутаттары, зиялы қауым өкілдері, мәдениет пен спорт қайраткерлері, жас­тар қанаты мен өңірлердегі филиалдар атсалысты. Партия­ластарымыз аймақтардағы, шалғай елді мекендердегі тұр­ғындармен кездесіп, республика бойынша барлығы 1,5 мың іс-шара өткізілді. Бүгін партия қатарына қабылданған аза­маттар осындай жұмыстарға белсене атсалысуы қажет, – деді аудандық мәслихаттағы AMANAT партиясы депутаттық фракциясының мүшесі А.Ибрагимұлы.

Жиын соңында партияның жаңа мүшелері сайлауалды бағ­дарламаларды орындауға үлес қосатындарын, елдегі сая­си реформаларды қолдайтындарын айтты.

А.ҚҰРМАНАЙТЕГІ