Қоғам болып күресуіміз керек

Сыбайлас жемқорлық мемлекетіміздің беде­ліне, демократиясына, ұлттық қауіпсіздігіне, эконо­мика­лық дамуына, адам құқықтарының сақталуына үл­кен қауіп төндіреді. Қазақстан қоғамдық күрделі мәселелердің бірі болып келетін жемқорлықтың ал­дын алып, күресу жолында бірқатар шараларды өткерді. Өйткені, мемлекетіміздің бәсекеге қабілетті елу елдің қатарына кіру үшін де жемқорлықпен кү­ресудің маңызы зор.

Сыбайлас жемқорлық дегеніміз – ол адам факторына байланыс­ты, оның рухани және адамгершілік қасиет­терінің таяздығынан, қоғам мүд­десінен гөрі өз мүддесін көбірек бір құлқынның қамын ойлайтын оз­быр­лық ниеттерін жүзеге асырудан туындайтын қауіпті қылмыстың бір түрі. Қазақстан Республикасының заң­намаларына сәйкес, сыбайлас жем­­қорлық қылмыстарға негізінен ла­уазымды қылмыстар жатады. Өмір көрсеткендей, қызмет өкілеттігін те­ріс пайдалану, билікті не қызметтік өкі­леттікті асыра пайдалану, пара алу, пара беру, парақорлыққа делдал болу, қызметтік жалғандық жасау, көрінеу жалған сөз жеткізу, сеніп тап­сырылған бөтен мүлікті иеленіп алу немесе ысырап ету жемқорлық сы­байластық байланыстарды пайдалану арқылы жасалады.

Қоғам дертіне қарсы күреспен ті­келей айналысатын арнайы орган­дар бар. Бірақ бұл тек қана осы ор­гандардың қызметі деп түсінсек, қа­телескеніміз болар еді. Себебі, бұл дертпен қоғам болып күреспесек, то­­­лық айығу мүмкін емес. Ал сыбай­­­­­­­­­­лас жемқорлыққа қарсы күресте кө­мектескен адам мемлекеттің қор­ғауында болады. Қажет болған жағ­дайда сыбайлас жемқорлыққа қарсы күрес жүргізетін органдар ол адамның жеке бас қауіпсіздігін қастамасыз ете­ді. Жәрдем беруші адам туралы ақ­парат мемлекеттік құпия болып есеп­теледі.

Сыбайлас жемқорлыққа қарсы кү­ресті күшейтіп, одан бір нақты нәтиже шығармай, алға қойған мақ­сатқа то­лық жете алмаймыз. Жем­қорлықпен күрес – науқандық шара емес. Ол тек құзырлы мекеме­лердің ғана міндетіне жатпайды. Онымен әрбір ұжым, бүкіл халық болып күресуіміз қажет.

Ердаулет УТЕБАЕВ,
Жетікөл ауылдық округі әкімі
аппаратының бас маманы