Мемлекеттік кірістер басқармасының ұжымымен кездесті
Қазақстан Республикасы Президенті Қ.Тоқаевтың бастамасымен 5 маусым күні өтетін жалпыхалықтық референдум негізінде Конституцияның 99 бабының 33-і өзгермек. Бұл дегеніміз Ата заңның үштен бір бөлігі жаңаратындығын айқындайды. Бүгін аудандық мәслихат депутаттары, штаб мүшелері Ж.Ембергенов пен А.Ибрагимұлы Сырдария аудандық Мемлекеттік Кірістер басқармасының ұжымымен кездесу өткізді. Кездесу барысында штаб мүшелері Конституциялық өзгерістер мен толықтырулар енгізу – елдің тарихи дамуына серпін беретін ұсыныс екендігін айтты. Сол себепті оны неге қолдамасқа?! Жалпы кез келген адамның өмір сүру ережесі бар. Сол ережені сақтамасақ, оның өмірі бұзылады. Сол сияқты мемлекеттің өмір сүруін қадағалайтын Ата заңды заман талабына сәйкес өзгертіп, нақты шешімін қабылдап алсақ, алдағы уақытта еліміздің болашағы жарқын, айқын болады, - деді.
