Жұртшылыққа қуаныш сыйлаған жәрмеңке

Газетіміздің өткен нөмірінде Тереңөзек кенті әкімдігі мен аудандық ауыл шаруашылығы бөлімі хабарлағандай, сенбі күні аудан орталы­ғында жәрмеңке ұйымдас­ты­рылды. Молшылық мере­кесін аудан әкімдігі мен «Байқоңыр» ӘКК» АҚ бір­лесе өткізді.

Жәрмеңкеде әлеуметтік маңызы бар азық-түлік өнімдері халыққа тө­мен бағада ұсынылды. «Байқоңыр» ӘКК» акционерлік қоғамы (Өңірлік тұ­­рақ­тан­дыру қоры) тарапынан аудан тұр­ғындарына арзан, қол­­жетімді ба­ғада әлеу­меттік маңызы бар азық-түлік өнімдерін әкелді. Барлық өнімдер нарықтық бағадан арзан бағада сатылды. Сонымен қатар ауданның кәсіп­кер­лері де өз өнімдерін жәрмеңкеде ха­лық­қа ұсынды.

Көпшілікке қуаныш сыйлаған жәр­­­меңкені аудан әкімі М.Ергешбаев, ау­­­­дандық мәслихат хатшысы Е.Әжіке­­­­­­­­­­н­ов­­­­­ аралап, сатушылармен және тұрғын­дар­мен пікірлесті. Аудан басшысы кент тұр­­ғындарының игілігі үшін ұйым­дас­ты­рылып жатқан жәрмеңкеде өз өнімдерін арзан бағада ұсынған сату­шыларға риза­шы­лығын білдіріп, кәсіпте жеміс тіледі.

– «Көктемгі әрекет, күзгі берекет» де­­гендей, соңғы жылдардағы Сырдария өзе­нінде қалыптасқан судың жағдайына қарамастан аудан диқандары бітік егін өсіруді қамтамасыз етті. Былтыр уақытты тиімді пайдаланып, ұйым­шылдықпен ас­тық ысырапсыз жиналды. Биыл да осын­дай жақсы жұмыстар жүргізіледі деп сенеміз. Қырмандар қызылға толып, елдің ырысы артар тұсқа дейін ай сайын «Байқоңыр» ӘКК» акционерлік қоғамымен бірлесіп жәр­меңкелер өткізілуде. Осы ретте біздің ұсынысымызды қолдаған «Бай­қоңыр» ӘКК» АҚ алғыс айтамын. Жәрмеңкеге ха­лық­тың көп жиналуы, қажетті заттарын ар­зан бағада сатып алуы біз үшін қуаныш, – деді аудан басшысы.

Молшылық мерекесінде кент тұр­ғын­дары қажетті азық-түлікті арзан ал­ған­дарына алғыстарын жеткізді.

– Жәр­меңке сайын қажетті азық-тү­лікті молынан алып аламыз. Аудандық газеттен хабарландыруды оқып, бір­ден жәрмеңкеге келдік. Бұл жолы ұйым­­дастырылған жәрмеңке тағы да азық-түлік қорымызды толықтырып алуға септігін тигізді. Көктем айлары – молшы­лық мерекесі екенін сезініп жатырмыз. Демалыс күнімізді берекеге айналдырған жандарға алғысымды айтамын, – дейді кент тұрғыны Б.Іскендірова.

А.СЕЙІЛОВ