Мәжілісмендер Аманкелді ауылы халқымен кездесті

Республикалық штаб мүшелері, ҚР Парламенті Мәжілісінің депутаттары Б.Смағұл мен Г.Шиповскихтің Сырдария ауданына іс-сапары Аманкелді ауылында жалғасты.

Аманкелді ауылдық мәдениет үйінде өткен кездесуге аудандық мәслихат хатшысы Е.Әжікенов, аудандық партия филиалының атқарушы хатшысы Е.Жақып қатысты. Республикалық штаб мүшелері ауыл тұрғындарына «Жолдауда айтылған бастамалардың негізгі мақсаты – саяси жүйемізді түбірімен өзгерту. Бұл халықтың көп жылғы талап-тілегінен туындап отыр. Азаматтарымыз мемлекетті басқару ісіне қатысуға кең мүмкіндік берілгенін қалайды. Сондай-ақ саяси үдерісті түбегейлі демократияландыру қажет деп санайды. Мұны тиімді жүзеге асыру үшін Ата Заңымызға өзгерістер енгізу қажет», деген Президент Конституцияның үштен бірі халық қалаған өзгерістер негізінде реформаланатынын жеткізді. Бұл – ауқымды өзгеріс, ел тарихындағы аса маңызды қадам болмақ. Барлық өзгеріс пен толықтырудың елдің талап-тілегі арқылы жүзеге асатынын жеткізген. Мемлекет басшысы 5 маусымда республикалық референдум өткізуді дұрыс деп тапты»,-деп атап өтті.

Ауыл тұрғындары тарапынан бұл шешімнің мәні жоғары екендігі айтылды.