Жетікөлдіктермен кездесу өтті

Республикалық штаб мүшелері, ҚР Парламенті Мәжілісінің депутаттары Б.Смағұл мен Г.Шиповскихтің Сырдария ауданына іс-сапары Жетікөл ауылында жалғасты. Аталмыш кездесуге аудандық мәслихат хатшысы Е.Әжікенов пен аудандық партия филиалының атқарушы хатшысы Е.Жақып қатысты. Кездесу барысында Республикалық штаб мүшелері өз кезегінде «Адам құқығын қорғау деген үлкен жүйе бар. Елімізде Конституциялық сот пайда болады. Бұл Конституциялық кеңестің орнын басады. Конституциялық кеңес – саяси орган, сот емес. Бұған қарапайым азаматтар жүгіне алмайды. Конституциялық кеңеске Сенат пен Мәжілістің төрағалары, депутаттар, Үкімет басшысы секілді үркердей топ қана жүгінеді. Ендігі жерде бұлай болмайды. Конституциялық сотқа конституциялық құқығы бұзылған адамдардың бәрі жүгіне алады»,- деді.

Сонымен қатар, аталмыш кездесуде Ата Заңға енгізілетін басқа да нормалар сөз болып, түсіндірілді. Тұрғындар өз кезегінде көкейлеріндегі сұрақтарын қойып, тиісті жауабын алды.