Абзал жандарға құрмет көрсетілді

12 мамыр - Халықаралық мейірбикелер күні қарсаңында аудан әкімінің орынбасары Димаш Байдушев және республикалық «El Qurmety» қоғамдық қорының Сырдария ауданы бойынша ұйымдастырушысы Шолпан Ералиева ақ халатты абзал жандармен кездесіп, мерекемен құттықтады.

Жиында аудандық емхана басшылығының ұсынысы бойынша ақ халаттыларға арнайы номинациялық марапат табысталды. Өз кезегінде Лаура Алмасбекқызы мен Әділбек Елубайұлы Құрмет грамотасымен және «Мейірімді медбике» номинациясы бойынша Айзат Елубайқызына қызмет барысындағы көрсеткен жанашырлығы мен жауапкершілігі үшін «El Qurmety» төс белгісі берілді.

Аудан әкімінің баспасөз қызметі