АБЗАЛ АНАЛАРҒА ҚҰРМЕТ КӨРСЕТІЛДІ

"8 наурыз – Халықаралық әйелдер күні" мерекесіне орай аудан әкімі Ғ.Қазантаев тағдыры тағылымға, ғұмыры ғибратқа толы аналардың шаңырағында болып, құрмет көрсетті.
Құрмет көрсету шарасына аудан басшысы Ғ.Қазантаевпен бірге аудандық ардагерлер кеңесінің төрағасы Х.Әбенұлы, "Сырдария ауданының әйелдері" қоғамдық бірлестігінің төрайымы Ұ.Жаналиева, аудан әкімінің орынбасары Д.Байдушев, "Нұр Отан" партиясы
Сырдария аудандық филиалы төрағасының бірінші орынбасары Е.Жақып, кент әкімі Н.Бисембаев, мекеме, дербес бөлім басшылары мен БАҚ өкілдері қатысты.
Ең алдымен аудан әкімі ардагер-ұстаз Зоя Алданованың шаңырағында болып, абзал анаға гүл шоқтарын, сыйлықтар топтастырылған себетті және Құттықтау хатын табыс етті. Ардақты жанның өмір жоы өзгелерге үлгі екенін атап өтіп, естеліктерімен бөлісті.

Мұнан кейін еңбек ардагерлері Н.Қалниязоваға және А.Палымоваға арнайы сый-сияпаттар ұсынып, құрмет көрсетті.
Өз кезегінде ақ жаулықты аналар ауданның атқарушы билік өкілдеріне шынайы алғыстарын білдірді.

Сырдария ауданы әкімінің баспасөз қызметі.