«Мен саған есірткі жайлы айтып беремін»

Құрметті замандас досым, бұл үндеу саған! Мен саған ғаламды жайлаған дерт, қазіргі таңда актуалды мәселе болып тұрған зиянды зат, есірткі жайлы айтып беремін. Бұл зиянды у – ғасыр індеті. Жалпы нашақорлық - бұл есірткіге немесе психотроптық заттарға тәуелділіктен туындаған ауру. Бір шырмауына ілініп, дәмін татсаң, келтірер зияны орасан зор. Нашақорлық - басты байлығымыз денсаулықтан айырып, сезіну қабілетінен ада қылады. Бар ақыл- ойымызды тұсаулап мәңгүрт күйге түсіреді. Уақыт озған сайын адам әлсіреп, сол удың арбауына түседі. Тіпті, өзінің аяулы анасы, асқар тауы әкесін тыңдаудан бастартқызып, өз дегеніне жүргізеді. Жарқын болашақтан айырып, тар қапасқа қаматады. Еркін ойдың теңізінен, сасыған шалшыққа батырады. Адамзаттың Айтматовының шығармасындағы «мәңгүрт» секілді пайдасыз мақұлыққа қалай айналғаныңды сезбей де қаласың.

Есірткіні "ауыр" және "жеңіл" деп бөлінеді. Оның бөлінуі 1 граммдағы улы заттардың мөлшеріне байланысты. Десек те тіпті қиқымдай есірткі адам денесін уландырмай қоймайды. Нашақорлық көптеген қылмыстардың тікелей себебі болып табылады. Мастыққа елітіп, өзіне есеп беруден қаласың. Біз, жас ұрпақ, еліміздің болашағы – саналы, білімді жастардың қолында ұмытпауымыз керек. Ал саналы, білімді болу үшін әуелі, зиянды заттардан бойымызды аулақ ұстағанымыз жөн.

Жас дос, есірткі - соңы жақсылыққа әкелмейтін бір сәттік ермек. Менің саған айтар бірнеше кеңесім бар. Олар:

•Көрінген жылтырға қызықпа

•Салауатты өмір салтын ұстанып, дұрыс тамақтан

•Есірткінің бір дәмін татсаң, өмір бойы зардабын тартатыныңды ұмытпа

•Қандай жолды таңдайтының өз қолыңда, таңдаудан жаңылма

•Пайдалы хобби тауып, сүйікті ісіңмен шұғылдан

Ізгі қоғам құратын сіз бен біз. Ауырып ем іздегенше, ауырмайтын жол іздейік. Ал енді ойлан, ақылды досым, жалындаған жастық шақ қымбат па, әлде, тарылған ми, байлаулы сезім бе? Бұл індет бір адамның тағдырын емес, бүтін бір ұлттың тамырына балта шабуы мүмкін. Індетпен күресіп, алдын алуға, болдырмауға шақырамын!

Абдрахманова Нұрсұлу Кенжебекқызы

№132 Т.Айтбаев атындағы орта мектеп

9 а сыныбы,

«Қызылорда ОПД ЕҚҚІҚБ тарапынан жарияланған байқауға»