Мемлекет басшысын қолдау – азаматтық борышымыз

Тәуелсіз Қазақстанның қалыптасуы мен дамуындағы Елбасы­ның рөлін ешкім жоққа шығара алмайды. Еліміз әлемге таныл­ған еңселі елге айналса, бұл Тұңғыш Президенттің қажырлы ең­бегімен тікелей байланыс­ты. Кешегі қиын әрі күрделі кезеңде де Н.Назарбаев Мемлекет басшысы Қ.Тоқаевпен тікелей байланыста болып, бірнеше консультативті кездесулер өткізді.

Апта ағымында ҚР Тұңғыш Президенті Қа­зақстан халқына Үндеу жасады. Елбасы өз үн­деуінде биылғы жылдың хал­қымыз үшін күрделі де қатерлі сынақпен басталғанын атап өтті.

«2022 жыл халқымыз үшін күрделі де қа­терлі сынақтан басталды. Баршаңызға мәлім, ұйымдасқан экстремистік топтар елімізде жаппай тәртіпсіздік орнатып, террористік шабуыл жасады. Соның салдарынан бейбіт тұрғында­рымыз зардап шекті. Қасіретті оқиға кезінде қаза болғандардың жақындары мен туған-туыс­тарының қайғысына ортақтасып, кө­­ңіл айтамын. Лаңкестер елдігіміз бен егемендігімізге, тыныштығымыз бен тұ­тас­тығымызға қауіп төн­діріп, жұрттың берекесін қашырды. Президент Қасым-­Жомарт Тоқаевтың шұ­ғыл ше­шім­дерінің арқасында ел іргесі сөгіл­ген жоқ» деген Елбасы мұндай қиын кезеңде Мем­лекет басшысын қолдау – барша­мыз­дың азаматтық борышымыз екенін айтты.

Өз үндеуінде Н.Назарбаев ендігі кезекте осы оқыс оқиғадан сабақ алып, мұндай бассыздыққа жол бермеуге тиіс екенімізді атап өтті. Сондай-ақ, Тәуел­сіздік жылдарында атқарылған жұмыс­­тарға тоқталып, елдің бірлігінен асқан құнды­лықтың жоқ екеніне назар аударды.

«Бабаларымыз ғасырлар бойы аңса­ған Тә­уел­­­­­сіздіктің отыз жылы ішінде ат­қар­­ған істе­ріміз аз емес. Қазақстан әлем­ге танылған еңселі елге айналды. Ұлан-­ғайыр шекарамыз түбегейлі бекі­тіл­ді. Елімізде іргелі реформалар жүзеге асып, Орталық Азияда көш бастадық. Еура­зия жүрегінде, Сарыарқа төсінде жаңа аста­намыз бой көтерді. Бірлік барда еш­бір жау сағымызды сындыра алмас» деді Елбасы.

Жасыратыны жоқ, елде орын алған дүрбе­лең кезінде жұртшылық Елбасы­ның қайда еке­ніне алаңдаған болатын. Бұқаралық ақпарат құралдары мен әлеу­меттік желілерде де көп­теген пі­кір­лер жазылды. Қазақстан Респуб­ли­ка­­сының Тұңғыш Президенті – Ел­басы­ның кеңес­­шісі – Баспасөз хатшысы Айдос Үкі­бай алаң­­­даған жұртшылыққа Елба­сының елордада еке­нін мәлімдеген болатын.

«Елбасы Қазақстан астанасында, Нұр-­Сұл­тан қаласында. Қасақана жал­ған жә­­не екі­­ұш­ты ақпарат таратпау­ды сұрай­мыз. Елбасы бірнеше консультативті кездесулер өткізіп жатыр және Қазақстан Президенті Қасым-Жомарт Тоқаевпен ті­келей байланыста. Елбасы қазіргі сын-қатерлерді еңсеріп, еліміздің тұтастығын қамтамасыз ету үшін барлығын Қазақстан Пре­зиденті маңында жұмылуға шақы­рады» деп жазды Айдос Үкібай «Тwitter»-дегі парақшасында.

Ал «Nur Otan» партиясы төрағасының бірін­ші орынбасары Бауыржан Байбек бейнебайланыс режимінде өңірлік филиалдармен өткізілген жиналыс барысында Тұңғыш Президенттің ел тарихындағы рөліне арнайы тоқталып, әлеу­меттік же­лілерде партия атына айтылып жатқан сындарға да жауап берді.

«Президент Қасым-Жомарт Кемелұлы «Күш – бірлікте!» деп барлығымызды ор­тақ мақсат жолында топтасуға шақы­рып отыр. Қазақ «жұ­мыла көтерген жүк жеңіл» дейді. «Nur Otan» партиясы ел бірлігі мен ішкі тұрақтылықты сақ­тау ма­ңызды екенін үнемі айтып келеді. Партия ту еткен осы мәселелердің қаншалықты маңыз­ды екенін өмірдің өзі көрсетіп отыр. Осындай қиын-қыстау кезде партия жұмысынан мін іздеп, «Парламент таратылсын, партия таратылсын» деген мағынада әңгіме таратып жүргендер бар. Мұны айтушылар – «Nur Otan» партиясы мем­ле­кет­­тіліктің, елдіктің негізгі қоғамдық-саяси тірегінің бірі екенін мүл­дем түсінбейтіндер. «Nur Otan» партия­­сы құрылғаннан бері Қазақ­стан мем­лекеттілігін сақтау үшін, қоғам бірлігін бекем ету үшін жұмыс істеп келеді. «Ұлы істер үндемей бітеді» демекші, бұл – даң­ғойлыққа салуға болмайтын, көзге кө­рінбейтін істер. Сондықтан айтылған қи­сынды сынды көтере біліп, ал жүйесіз сөз­ге мән бермей, бел шешіп жұмыс істе­геніміз жөн» деді ол.

Оның айтуынша, қазір Тұңғыш Прези­ден­тіміз туралы да пікір айтушылар көбейген. Тарих безбеніне салсақ, кез келген оқиғаның, не тұлғаның рөліне бі­рыңғай оң не болмаса тек қана теріс деп баға беруге болмайды. Мысалы, Түр­кияның тұңғыш президенті Мұстафа Кемал Ататүрік туралы да қарама-қайшы пікір­лер көп. Бірақ, ол заманауи түрік мем­­лекетінің негізін қалаушы тарихи тұл­ға болып қала бермек.

«Өткенге баға беру әркімнің қолынан келеді, бірақ ақиқат пен жалғанды ажырату әркімнің өз ар-ұятына байланысты. Ең қиын кезеңде, яғни біз мемлекет боламыз ба, болмаймыз ба деген сонау алмағайып 90-жылдары Нұрсұлтан Әбішұлы Назар­баевтың басшылығымен Қазақстан Тә­уел­­сіз мемлекет болып қалыптасты, етек-же­ңін жиды. Төңірегімен терезесі те­­ңесті. Жалпы, әлемдік қауымдастық мойын­дады. Елбасы мен сол кездегі аға ұрпақтың 30 жыл бойы мемлекеттіліктің іргесін бекітіп, шекарасын шегендеп, тер­­ри­ториясының тұтастығын сақтауға сі­ңір­ген ерен еңбегі ұлт тарихында өз оң баға­сын алары сөзсіз. Ал осы жылдары кетеуі кеткен дүниені тезірек түзе­уіміз ке­рек. Ол – сөзсіз. Президент жария­ла­ған реформалардың да мәні – осы. Бірақ, Мемлекет басшылығынан кеткен Нұрсұлтан Назарбаевты жата жамандау – ел­ді­гі­мізге, азаматтығымызға сын» деді Б.Байбек.

Партия төрағасының бірінші орынбасары 30 жылға енді толған Тәуелсіздігімізді баянды ету үшін қазақстандық қоғамда мем­лекеттілік дәс­түрін, оның ішінде билік сабақтастығын қалып­тастыра білуіміз шарт екенін айтты.

«Қазір елдігімізді сақтау, барды ұқсату аса маңызды. Сондықтан Елбасы құрған «Nur Otan» партиясы елдің бірлігі мен қо­ғамның тұрақтылығына бағытталған жұмысын одан әрі жалғастыруы керек. Қазір алда болатын кезектен тыс съезд жұмысына дайындықты бастап кеттік. Қаңтардың қасіретті күндерінде Елбасы баршамызды Президенттің маңайына топтасып, ел амандығы мен бірлігін сақ­тап қалу үшін бірге әрекет етуге үн­дегенін баршаңыз білесіздер. Кім не де­се де, «Nur Otan» партиясы – Президент жариялаған реформаларды толық және сапалы жүзеге асыруға әлеуеті то­­лық жететін бірден-бір қоғамдық-саяси күш. Партиямыз Мемлекет басшысы ал­ға қойған міндеттерді орындау үшін бар күш-жігерін – қоғамдық ұйым­дарды, де­путаттық фракцияларды, түрлі қызмет­те жүр­ген 800 мыңға тарта мүшені ортақ мақсатқа жұмылдыруға дайын» деп тү­йін­деді ол.

Расында да өткенге баға беру оңай. Ал ұзақ жылдар бойы еңбек етіп, елдің да­муына үлес қосу, қоғам дамуына атсалысу оңай жұмыс емес. Сондық­тан мұндай кезеңде, яғни жаңа Қа­зақ­стан құру процесі жүргізіліп жатқан тұс­та сын айтып, мін таққаннан гөрі, білімі­мізді, бі­ліктілігімізді жақсы істерге бағытта­ғанымыз абзал. Өйткені елдің күші, қо­ғам­ның рухы – бірлік пен ынтымақта.

Ақтөре ИБРАГИМҰЛЫ