Учаске басшысының айтуынша, жеке тұрғын үйлерден бөлек 18 бюджеттік және кәсіпкерлік нысан, 11 көпқабатты тұрғын үйдің иелері табиғи газдың пайдасын көруде. Қазіргі уақытта газдандыру көр­сеткіші аудан бойынша шамамен 30 пайызды құраса, жыл аяғына дейін бұл көрсеткіш 60 пайызға жеткізілмек.

– Тереңөзек кентіне «көгілдір отынның» берілуі – Тәуелсіздіктің тартуы. Сондықтан тұрғындардың газға қосылуға ынтасы жоғары. Біз жергілікті әкімдікпен бірлесе отырып, тұрғындарға түсіндірме жұмыстарын жүргізіп келеміз. Мердігер мекемелерге де тұрғын үйлерді газға қосу барысында атқарылатын жұмыстарды сапалы және уақытылы аяқтау жөнінде жадынамалар ұсынылуда, – дейді Еркебұлан Есенгелді.