Жемқорлыққа жол бермеу керек

«Nur Otan» партиясының аудандық филиалында партиялық бақылау комис­сиясының және сыбайлас жемқорлыққа қарсы іс-қимыл жөніндегі қоғамдық ке­ңестің бірлескен отырысы өтті. Бірлескен отырысты аудандық партия филиалы жанындағы сыбайлас жемқорлыққа қарсы іс-қимыл жөніндегі қоғамдық кеңес тө­рағасы Шаһарбек Нұрсейітов жүргізіп, күн тәртібінде екі мәселе қаралды.

Алдымен, аудандық дене шынықты­ру және спорт бөлімі басшысының мін­детін атқарушы А.Мешітбаева хабар­лама жасап, қоғам дерті болған сы­бай­ластықты болдырмау бағытында бөлім тарапынан жасалып жатқан жұ­мыс­тарды жеткізді.

– Әрбір өркениетті мемлекеттің ал­дына қойған басты мақсаты – өз хал­қының денсаулығын жақсартуды қам­тамсыз ету. Саламатты өмір салтын ұстану, спортпен айналысу бүгінгі күні ауданда бұқаралық сипатқа ие болып келе жатыр. Осы ретте, бөлім тарапынан сыбайлас жемқорлықты болдырмау мақсатында іс-шаралар тұрақты өт­кізіліп тұрады. Бекітілген жоспар бо­йынша аудан спортшыларына арнайы мамандардың қатысуымен түсіндірме жұмыстары жүргізіледі және жадынамалар таратылады, – деген А.Мешітбаева спортшылардың есепті кезеңдегі жетіс­тік­теріне тоқталып өтті.

Жалпы, аудан бойынша дене шы­нық­тыру және спортпен жүйелі түр­де шұғылданушылар үлесі 31 пайызды құрайды. Ал биылғы жылдың 8 айында сырдариялық спортшылар облыстық, республикалық, халықаралық жарыс­тарға қатысып, жақсы нәтиже көр­сетуде. Атап айтқанда, ҚР чемпионатынан 63 медаль, Азия чемпионатынан 8 медаль және Әлем чемпионатынан 5 медаль еншілеген.

Бөлім басшысының міндетін атқа­ру­шы ауданның спорт саласында мәсе­лелер жоқ еместігін, оларға тиісті шаралар қолданылып жатқанын айтты. Тиісінше, кеңес мүшелері спорт саласына қатысты ұсыныс-пікірлерін біл­дірді. Әсіресе, ауылдық жерлердегі спорттық нысандардың, алаңдардың жағдайын бағамдап, ауыл жастарының спортпен шұғылдануына жағдай жасалу керектігін тілге тиек етті. Және де сыбайлас жемқорлықты болдырмау бағытында бөлім жұмыстарында ашық­тықты қамтамасыз етуді атады.

Мұнан соң аудандық мәдениет жә­не тілдерді дамыту бөлімі бойынша жол карта индикаторларының орындалуы қаралды. Аталған мәселе бо­йынша бөлімнің бас маманы Е.Утебаев ақпарат беріп, индикаторлардың орындалуы қалыпты екендігін жеткізді. Ол­ аудандық партия филиалының сай­­лауалды бағдарламасы аясында құ­рылған жол картаның орындалуы жү­йелі жүргізіліп жатқанын айтты. Бұл тұрғыда, кеңес мүшелері аудан­да­ғы та­рихи жерлерді қалпына келті­рудегі археологиялық жұмыстарға бө­лім тарапынан қолдау керектігі айтылды. Сондай-ақ қазіргідей технология да­мыған кезеңде оның мүмкіндігін пайдалану керектігі ұсынылды. Яғни, өткен жылы жинақталған «Арнасын жыр кернеген Сырдария» атты аудиодиск онтологияны құрастыруда ауданнан шық­қан ақын-жазушылардың өз дауыстарымен орындалған шығармаларын Қа­зақ радиосының «Алтын қорынан» із­деуге тура келді. Сондықтан қазір ауданның мерейін асқақтып жүрген ақын-жазушылардың өз дауыстарын ар­найы жаздырып алып, бөлімге сақтап қойса, ол кейінгі толқынға мұра болмақ. Сондықтан осыған ерекше мән берілу керектігі назарға салынды.

Күн тәртібіндегі мәселелер бойын­ша жан-жақты талқылау болып, ке­ңес мүшелері тарапынан сыбайлас жем­қорлыққа бағытталған іс-шара­лар­ды филиал жанындағы қоғамдық ке­ңеспен бірлесе өткізу қажеттілігі ұсы­нылды.

Ердос БЕРКІНБАЕВ