«ASHYQ» қосымшасының көмегі көп

Қазіргі таңда қоғамдық орында келушілерді тіркеу үшін «Ashyq» қосымшасы жұмыс жасауда. Арнайы белгіленген орындарға барған кезі­ңізде арнайы QR-кодты сканерлеп, оны әкімшіге көрсетуге мін­деттелесіз. Негізгі код арқылы жекелеген тұлғаның мәртебесі анық­талады. Бұл ретте келушілерге мәртебе ПТР-зерттеулерінің бірың­ғай порталы мен ҚР Денсаулық сақтау министрлігі жанындағы Сovid-19-ды бақылау орталығы ақпараттық жүйелерін салыстыру бойынша тағайындалатынын ескерген жөн.

Аудан бойынша «Ashyq» қосымшасына 16­ кәсіпкерлік нысан қосылған. Корона­вирус инфекциясының таралуын тежеу мақ­сатында тиісті орган тарапынан жос­­парлы міндеттер жүзеге асырылуда. ҚР мем­лекеттік санитарлық дәрігері­нің Қаулы­сына сәйкес, кәсіпкерлік нысандар­дың қызмет көрсету уақыты тежеліп немесе ұзар­тылып отырады. Сонымен бірге тұтынушыға қызмет көрсететін ма­мандар­дың санитарлық талаптарды сақ­тауы міндеттеледі. «Ashyq» қосымшасы еліміздің үлкен қалаларында қаңтар айы­­­нан бастап жұмыс істей бастады. Кәсіпкерлерге карантин уақытында жұмыс істеуге мүмкіндік беретін қосымшаны көпшілік ұялы телефонға жүктеп алуы керек. Аталған «Ashyq» мобильді қо­сымшасы «Арр Strore» және «Play Market»-тен жүктеледі. Өз кезегінде кәсіпкерлік нысанға келушілер телефон нөмірі арқылы тіркелгеннен кейін ЖСН-ін енгізуі қажет. Ал кәсіпкерлік нысанға келген адамның телефоны болмаған жағдайда мекеме қызметкері ЖСН арқылы келушінің мәртебесін тексереді.

Мамыр айынан бастап республиканың барлық өңірінде «Ashyq» қосымшасы қол­данылады. Алғашқыда пилоттық жоба ретінде қолданысқа енгізілген қосымшаның көмегімен ел азаматтары кәсіпкерлік нысандарымен қатар, театр, мәдениет ошақ­тары, компьютерлік клубтар, асханалар концерт залдары, Спа орталықтары секілді бірнеше қоғамдық орындарға кіре алады. QR-код тек бизнес субъектілеріне беріледі.

– Әлемді әбігерге салған пандемия өмірімізге мықтап енді. Шектеу шараларын мұқият орындап, санитарлық талаптарды бұзбауға тырысамыз. Қай кезде де бизнес өкілдері үшін алға қарай жылу маңызды рөл атқарады. Күнкөріс көзін кәсіпкерлік арқылы табатынымыз рас. Кейде мүлдем жұмыс тоқтап қалады. Санитарлық нормаларды сақтап, кәсібімізді дөңгелетуге жағдай жасаймыз. Алғашқылардың бірі болып, «Ashyq» мобильді қосымшасын ор­на­тып, әр тұтынушының мәртебесіне сай ғимаратқа кіргізудемін, – дейді жеке кәсіп­кер Гүлжан Әбдіғаппарова.

Айта кету керек, адамдардың мәртебесін 4 түс арқылы ажырата алады. Мәселен, «Қызыл» түс жанса, ПТР-тестін тапсырған кісіден оң нәтижесі шыққандығын айқын­дайды. Осындай мәртебесі бар азаматтар оқшалану режимін қатаң ұстанады. Ал «Сары» түс науқас адамдармен байланыс­та болғандығын көрсетеді. Оларға азық-түлік немесе үй жанындағы дәріханаға баруға рұқсат беріледі. «Көк» түс ПТР-тестілеу тапсыруға міндетті орындардан басқа барлық жерге баруға рұқсат. «Жасыл» түс жүріп тұруға толығымен мүмкіндік береді.

Балтабай ОРДАБЕКОВ