Тіршілік тынысы Сырдария аудандық қоғамдық-саяси газет
» » Әр адам жауапкершілікті сезінуі тиіс

Әр адам жауапкершілікті сезінуі тиіс

Қазіргі аймағымыздағы санитарлық эпидемиологиялық ахуал көпшілігімізді алаңдатып отырғаны белгілі. Күн өткен сайын коронавирус індетіне шалдығып жатқан науқастардың қатары да артып жатыр. Салмақты жүк медицина саласының мамандарына артылып отыр. Күн демей, түн демей азаматтарды ажалдан арашалап жүрген ақ халатты әріптестерімнің алдында басымды игім келеді. Дәрігерлер, орта және кіші буын қызметкерлері өздерінің міндетін мінсіз атқарып жатыр деп ойлаймын. Сындарлы кезеңде бейбіт күннің батырларына айналған жандарды ерекше мақтан етемін.

Өткен жылдан бері алдыңғы шепте еңбек етіп жатқан мамандар талай жантүршігерлік жағдайдың куәсі болып жатыр. Пандемия кезінде талай жақындарымыздан айырылдық. Салғырттықтың кесірінен сан соғып қалдық. Биыл мұндай жағдайға жол бермеуіміз керек.

Қазіргі уақытта кеселді дертті жеңудің жалғыз ғана жолы бар. Ол - вакцина салдыру. Екпе ектіруге күмәнмен қараудың, бұл процедурадан қорқудың қажеті жоқ. Мамандардың кеңесіне құлақ түруге шақырамын.

Бүгінгі күні басты мақсат - ұжымдық иммунитет қалыптастыру. Сол кезде ғана біз бұрынғы беймарал тіршілігімізге орала аламыз.

Мен жеке басым вакцина салдырдым. Препараттың екі компонентінде толық қабылдадым. Бұл шешімім үшін өкінбеймін.

Жалпы, қауіпті инфекцияға жасы үлкен жандар тез шалдығатындығы айтылып жатыр. Мен екпе ектіру арқылы өзімді және де отбасымды дерттен қорғадым деп ойлаймын. Сол себепті барлықтарыңызды вакцина салдыруға шақырамын.

Серік Құрымбаев,
Облыстық психикалық денсаулық орталығының дәрігері 
19 шілде 2021 ж. 87 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам