Тіршілік тынысы Сырдария аудандық қоғамдық-саяси газет
» » Болашағымды бас қаламен байланыстырғым келеді

Болашағымды бас қаламен байланыстырғым келеді

Аудан орталығындағы №210 О.Әбіл­паттаев атындағы мектептің жас түле­гі Гүлсән Елордадағы Л.Н.Гуми­лев атын­дағы Еуразия Ұлттық универси­теті­не оқуға түскісі келеді. Арманы асқақ, ойы жүйрік оқушы Ұлттық бірыңғай тестілеуде математика-физика пәндерін таңдап, қос кезең қорытындысы бойынша жоғары ұпайды қанжығасына байлаған. Кішкентайынан есеп-қисапқа жүйрік шәкірт Қ.Игенбаев атындағы математика, Қ.Сәтбаев атындағы химия пәнінен өткен облыстық олимпиадалардың же­ңім­пазы. Санға деген сүйішпеншілігі бала күнінен оянғанымен, К.Бөрітова, А.Накатова сынды пән мұғалімдерінің ерен еңбегімен саланың сан қырын меңгерген ол пәннің қиындығына қарата «Бүкіл ғылымының көш басында математика тұр дер едім» дейді.
Ата-анасының жолын қуып, ұстаздық жолды жалғағысы келетінін айта келе:
– Мұғалімдік жол – менің әулетімнің тіні. Олай дейтінім, ата-әжем, ата-анам барлығы ұстаздық ұлы жолды серік еткен. Тіпті, ауылдағы атам мен әжем Мектеп атауын иеленген көшеде тұрады. Бұл сәйкестікке өзіміз де таң қаламыз. Осынау жолды жалғастырып, әрі математика ғылымының қыр-сырына терең қаныққым келеді.
Ал Нұр-Сұлтан қаласына келсек, Елордамыз күннен күнге жасарып, дамып келеді. Қаланың болашағы үлкен үміт күттіреді. Еліміздің бас ордасындағы ең ірі оқу орнында білім алсам деп армандаймын, – дейді Гүлсән Қайратқызы.
Үлкен өмірге қадамды еліміздің бас қаласынан бастағысы келетін жас түлекке қадамың нық болсын дейміз.

Аружан МҰХАНБЕТҚАЛИ
06 шілде 2021 ж. 141 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам