Аудан әкімі кәсіби мерекемен құттықтады

Құрметті бұқаралық ақпарат құралдары қызмет­кер­лері! Қымбатты ардагер журналистер!

Сіздерді кәсіби мерекелеріңіз – бұқаралық ақпарат құрал­дары қызмет­керлері күнімен шын жүректен құттық­таймын!

Бүгінгі күні еліміздің бұқаралық ақпарат құралдары аза­маттық қоғамның құрамдас бөлшегі ретінде билік пен бұқараның арасындағы дәнекер ғана емес, еліміздің толағай табыстары мен зор жетістіктерінің жаршысы болып келеді. Техниканың озық үлгілерінің дамыған заманында интернет байланысы, баспасөз басылымдары халықты қажетті ақпаратпен толық қамтамасыз етіп отыр.

Бұқаралық ақпарат құралдары – еліміздің руханиятын, мә­де­ниетін көтеріп, тыныс-тіршілігін көрсетіп, жағымды жаңа­лық­тармен сүйіншілейтін біздің ең жақын серігіміз.

Осы орайда, жергілікті «Тіршілік тынысы» газеті ауданы­мыздың рухани шамшырағы екені баршамызға белгілі. Аудан көлемінде болып жатқан көпшілік-мерекелік іс-шаралар мен игілікті істердің еш кідіріссіз газет бетінде жарық көруі тұр­ғын­дарды ерекше ықыласқа бөлейді. Ауданымыздың тілшілер қауымы қоғам тарапынан артылған маңызды жауап­керші­лікті абыроймен атқаруда. Сіздер арқылы аудан халқы тың жаңа­лықтар мен қажетті ақпарат алады. Еліміздің татулығы мен тұрақ­­тылығының өрістеп-өрлеуінің қарқынын паш ететін журна­лис­тер қашанда құрметке лайық.

Қымбатты бұқаралық ақпарат құралдары өкілдері!

Айтулы мереке қарсаңында баршаңызға денсаулық, отба­сыларыңызға бақ-береке, кәсіптеріңізге өрлеу, Отанымыз – Тәуелсіз Қазақстанның гүлденуі жолындағы игі істеріңізге табыс тілеймін!

Мереке құтты болсын!

Мұрат Ергешбаев,

Сырдария ауданының әкімі