Жастары белсенді елдің ертеңі жарқын

Қазір әлем елдері коронавирус індетімен күресіп жатқаны белгілі. Жұқпалы дерт халықтың денсаулығы мен өміріне үлкен қауіп төндіріп отыр. Бұл кеселді жеңудің негізгі жолы - вакцина салдыру.

«Жас Отан» жастар қанатының мүшесі, «Жалын» еріктілер штабының еріктісі Үрістем Асылхан жақындары мен туыстарын қорғау мақсатында вакцина салдырды.

– Бүгін коронавирустық инфекцияға қарсы «Hayat-Vax» вакцинасын алдым, вакцина алғанға дейін ауылдық аурухана дәрігерлеріне қабылдандым, ешқандай қарсы көрсетілімдер табылған жоқ, вакцинаны алғаннан кейін 30 минут ішінде дәрігердің бақылауында болу міндетті шарт болып табылады екен. Бұл вакцина 2 сатылы болғандықтан, келесі вакцинаны 21 күннен кейін алуды жоспарлап отырмын. Айта кету керек, вакцина дерттің алдын-алу шараларымен бірге пандемияны бақылауға алуға көмектесетін маңызды құрал болып табылады, өз денсаулықтарыңызды ойлап баршаңызды вакцина алуға шақырамын. Өзіңізді және жақындарыңызды қорғаңыздар, – дейді «Жас Отан» жастар қанатының мүшесі Үрістем Асылхан.

Өзіңіздің және жақындарыңыздың амандығы үшін вакцина қабылдауда жастарды белсенді болуға шақырамыз.