Жаңаша оқыту – заман талабы

«Надан жұрттың күні қараң, келешегі тұман» деп Міржақып Дулатов айт­қандай, қазіргі заманның басты күші – білімде. Жаһандану заманында білімді ұр­пақ тәрбиелеуге білек сыбана кіріскен дұрыс-ақ. Әлем елдерімен тереземізді тең ұстауға бағыттап, жаңартылған оқу бағдарламасы арқылы ескіліктің жұрнағы­нан ажырап, бала санасын жаңашылдыққа бейімдеу – тиімді әдіс.

Еліміздің жаңа бастамасын қолдап Қоғалыкөл ауылындағы №44 орта мектебінде «Жаңаша оқыту – заман талабы» тақыры­бында мектепшілік семинар өтті. Семинар ұстаздардың кәсіби бі­ліктілігін арттыруға ба­ғыт­тал­ған.

Ең алдымен семинар ұстаз­дар мен шәкірттер жетістігін таныс­тырудан және көркем еңбек пәні мұғалімдері Л.Бакирова пен Ж.Қосжанованың қолдан жа­салған бұйымдарын, «Робото­техника» үйірмесінің жетекшісі Ә.Бекбергеновтің шәкірттері жа­­са­ған роботтарынан жасалған көрмесін тамашалаудан басталды. Мұнан соң мектеп директоры Сламбек Шахапұлы семи­нарға қатысушы ұстаздарға сәт­­­­ті­лік тілеп, семинарды ашып бер­ді.

Семинарда физика пәні мұ­ға­лімі Г.Бекенова «Матема­ти­калық және серіппелі мая­т­ник­тің тербеліс кезеңін анық­­­­тау» тақырыбындағы прак­­­­­­ти­ка­лық са­­­бағын көрсетті. Сонымен бір­ге биология пәнінің мұғалі­мі Ф.Дос­мағанбетова ашық са­бақ өткізді. Бастауыш сынып мұғалімі А.Адикенова, өзін-өзі тану пәнінің мұғалімі С.Дүйсен­баева, ән-әуез пәні­нің мұғалімі Ж.Қосжанов М.Мақа­­таевтың 90 жылдық мерейтойына бірлесе отырып, біріктірілген сабақ өткізді. Қазақ тілі мен әдебиеті пәнінің мұғалімі П.Сұлтанова «Етістіктен өткенді қайталау», бастауыш сынып мұғалімдері И.Алдекешова, Л.Қайралапова «Құмырсқа мен бидай дәні», «Мен де атқа міне аламын» тақырыбында ашық сабақ ұйымдастырды. Мектеп тренері Б.Көшекбаева мұғалімдер арасында «Бағалауға арналған тапсырмаларды әзірлеу және сараптау» тақырыбында коучинг өткізсе, мектеп психологтары Н.Талпақова мен А.Тасанова «Балам – менің баға жетпес байлығым» атты ата-аналармен тренинг ұйымдастырды. Мектеп тәлімгері С.Қоңырбаеваның ұйымдастыруымен 9-сыныптар арасында «Қызық екен» интеллектуалды білімділер бәйгесі болды. Семинар соңында ағыл­­­шын тілі пәні мұғалімі Г.Аб­далиева дайындаған ағыл­шын үйірмесінің оқушылары «The Gingerbread Man» (Баурсақ ертегісі) ертегі желісі бойынша қо­йылым көрсетілді.

Өз кезегінде мектеп директоры С.Қаюпов семинарға қа­тысқан ұстаздар қауымына арнайы «Алғыс хат» табыс­тады. Содан кейін оқу жылы кө­лемінде жетістікке жеткен шә­кірттерді «Алғыс хат» пен арнайы дип­ломмен марапаттады. Ал ата-аналар комитетінің мүшесі білім ордасының ұжымына алғыс біл­діріп, қызметтеріне толағай та­быс тіледі.

Жұлдызай АНШАЕВА