Кішкентай Нәби дүниеге келген күн

Біздің кішкентай кейіпкеріміз Нәби Еркінұлы – 1 жаста. ХХІ ғасырдың алтыншы «Кібісе» жылында кент тұрғыны Гүлмира Бәйімбетова кенже ұлын дүние­ге әкелген. Алғашқыда перзентханаға бар­ғанда босануға күні жетпейтінін дәрі­герлерден біледі. Дегенмен, көпбалалы ананың 29 ақпан күні алтыншы перзенті жарық дүние есігін ашады.

Бүгінде Нәбидің 4 әпкесі мен 1 аға­сы бар. Кішкентай сәбидің есімін әкесі Еркіннің ағасы қояды. Ерекше күні ана бақытын кезекті рет сезінген Гүлмира Бәйімбетова сүйінші жаңалықты отаға­сы­на жеткізуге асығады.

– Ертеректен келе жатқан «Кібісе» жы­лының біздің отбасымыз үшін маңызы зор. Кенжеміз дүниеге келген бұл күнді ерекше бағалаймыз. Жақында ішкі іс­тер саласында еңбек етіп келе жатқан Нәбидің көкесі Ербол Жанәлиевке тұ­сауын кестірдік. Ұлымыз көкесі секілді үлкен азамат болып, ел сыйлайтын, құр­меттейтін білікті маман болса дейміз. Ба­ламызға бар жақсылықты тілейміз, – дей­ді көпбалалы ана.

Періште Нәбидің әкесі Еркін Жанәлиев отбасында 12 ағайынды. Анасы Асиланың көп құрсақ көтерген тектілік қасиеті ке­ліні Гүлмираға дарыған екен. Ал ерлі-зайыптының үлкен ұлы Әлиге інісі серік болып, Жанәлиевтер әулетінің ізбасары болатынына сенеміз.

Балтабай ОРДАБЕКОВ

Ат