Мақсат – жемқорлыққа қарсы мәдениетті қалыптастыру

Ақпараттық-ағартушылық штаб мүшесі Дулатов Ықлас Дулатұлы «С. Ықсанов атындағы Қызылорда құрлыс және бизнес колледжінің» қызметкерлерімен Zoom платформасы арқылы кездесу өткізді.

Кездесудің мақсаты – ұжым арасында сыбайлас жемқорлыққа қарсы мәдениетті қалыптастыру және парасаттылық принциптерін енгізу болып табылады.

Кездесу барысында Ақпараттық-ағартушылық штаб мүшесі Дулатов Ықлас Дулатұлы білім алушылардың бойына адалдық, парасаттылық, әділдік, сенім құндылықтарын сіңіру және жас буынның рухани болмысын бекітіп, сыбайлас жемқорлыққа қарсы мәдениетін қалыптастыру үшін аянбай еңбек ету қажеттігін атап өтті.

Сонымен қатар, «Қазақстан Республикасының Президенті Қ.К.Тоқаев 2020 жылдың 6 қазанындағы «Қазақстан Республикасының кейбір заңнамалық актілеріне сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы» Заңы бойынша түсіндірме жұмыстарын жүргізді.

Шара барысында Агенттіктің «1424» Call-орталығы азаматтарға тегін ақпараттық-консультациялық қолдау көрсетеді, шағымдар, өтініштер, ұсыныстар мен пікірлерді қабылдайды, сыбайлас жемқорлық фактілеріне, сондай-ақ кәсіпкерлік қызметке кедергі келтіру жағдайлары туралы телефон хабарламаларына шұғыл әрекет ететіндігі хабарланды.