Тіршілік тынысы Сырдария аудандық қоғамдық-саяси газет

PDF нұсқалар мұрағаты

№ 39 газет

26 мамыр 2020 ж.

№ 38 газет

23 мамыр 2020 ж.

№ 37 газет

19 мамыр 2020 ж.

Жаңалықтар мұрағаты

«    Мамыр 2020    »
ДсСсСрБсЖмСбЖс
 123
45678910
11121314151617
18192021222324
25262728293031
» » Пулеметпен оқ боратқан

Пулеметпен оқ боратқан

Уақыт өткен сайын сұрапыл соғыстың дүрбелең оқиғала­ры алыстап барады. Десек те, Отан үшін от кешіп, кеудесін отқа тосқан баһадүр бабаларымыздың ерен ерліктері ұмытылмайды. Елі үшін от кешкен жауынгерлердің көбісі жат жерде жан тапсырғаны белгілі. Ал аман қалғандары елге қайтып оралды. Жеңіс туын желбіреткен жауынгерлер арасында Тұрсынбай Асқаров та бар.
Тұрсынбай Асқаров 9 мамыр 1925 жылы Көтібар белгісінің маңайында Қарашеңгел деген жерде дүниеге келген. Әкесі Асқар қарапайым шаруа адамы болған. Тұрсынбайдың әкесі баласы 12 жасқа келгенде қайтыс болады. Шешесі Қалбибі Үркімбайқызы екі баласымен қалып, тұрмыс тауқыметін көп тартады. Қалаға есекпен отын апарған балалары оны сатып күндерін көреді. Ел басына күн туған шақта Тұрсынбай ауыл азаматтарымен бірге 1941 жылы 16 жасында Отан қорғауға аттанады. Майдангер Благовещенск маңайында пулеметші болады. Ал Забайкалье маңайында Жапон соғысына қатысады. Кескелескен жауға қарсы тұрған ол аяғынан жарақат алып, елге 1949 жылы оралған. Туған жерге келгеннен кейін 1951 жылы ауылында бас шопан болып жұмыс жасайды. Шопандық кәсіптің қиыншылығын жұбайы Күлпән еріне көмектесе жүріп, бірге көреді. Майдангер елеулі еңбегінің арқасында Алматыда өткен шопандардың слетіне қатысады. Әр жылдары жоғары көрсеткіштерге же­тіп, ауыспалы Қызылту марапатын жеңіп алады. Әр жүз саулықтан жүз елуден қозы алып, міндеттемені артығымен орындайды. Шопан 1951 жылдан бас­тап партия қатарында болады.
Кейіннен бақташы болған қазы­налы қарт «Қара сиыр» деп аталатын елді мекенде баласы Жетібай екеуі ірі қара (Сементал, Алатау) тұқымын жетілдіру мақсатында еңбек еткен. Ірі қараның қыр-сырын білетін Тұрсынбай ақса­қал өзінен кейінгі бақташыларға үне­мі ақыл-кеңесін беріп отырған. Ауыл­дық, аудандық кеңестің депутаты болып сайланады. Суреттері құрмет тақтасына ілінген. Майдангер 1997 жылы 72 жасында дүниеден озған.
Т.Асқаров Ұлы Жеңістің 40 жыл­дық мерекелік медальмен, ІІ дәре­желі «Отан соғысы» орденімен мара­патталған.
Бүгінде ер жүрек қариялары­мыздың қатары азайып бара жат­қандығы жанға батады. Бүгінгі бейбіт өмір үшін соғыс ардагерлеріне мәңгі қарыздармыз. Ұлы Жеңістің қандай күшпен келгенін ұмытпауымыз керек.
Азаттықтың ақ таңында өмір сүріп жатқанымыз – жанкешті жауынгерлердің арқасы. Бүгінде қазыналы қарттардың қатары сирегенімен, ерен ерліктері ешқашан ұмытылмайды.



Фатима Маратқызы

16 мамыр 2020 ж. 65 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам