Қос елді мекенінде лейшманиоз дертіне байланысты түсіндірме жұмысы жүргізілді
Сырдария аудандық ауруханасының мамандары санитариялық-эпидемиологиялық бақылау басқармасының ұжымымен бірлесіп, жыл көлемінде көптеген іс-шараны жүзеге асыруда. Бұл жолы – ақ халатты абзал жандар Аманкелді және Іңкәрдария ауылына арнайы іссапармен барып, лейшманиоз дертіне байланысты түсіндірме жұмысын жүргізді.Өз кезегінде Сырдария аудандық санитариялық-эпидемиологиялық бақылау басқармасының маманы Д.Балтабаев Р.Бимағамбетов, Сырдария аудандық ауруханасының дәрігер-дерматовенерологы С.Маханбетов, дәрігер-эпидемиолог Г.Баджанова ауыл тұрғындарына аталған дерт бойынша түсіндірме жұмысын жүргізді. Қос елді мекендегі білім ошақтары тексеріліп, лейшманиоз дертіне байланысты мектеп оқушылары мен ауыл халқына кеңінен ақпарат берілді. Сала мамандары өзара пікір алмасып, өзара тәжірибе бөлісті.
Мұндай бағыттағы жұмыстар алдағы уақытта жалғасын табатын болады.
