Темірдей тәртіпке бағынайық

Күн сайын өршіп бара жатқан індеттің алдын алуға байланысты Қызылорда облысының Бас мемлекеттік санитариялық дәрігері А.Абдикаимова Карантиндік шараларды күшейту туралы жаңа  №10 Қаулы қабылдапты. Карантиндік шаралардың күшейтілуі  облыс тұрғындарының бас амандығы үшін жасалып отыр. Коронавирустың күн санап көбейіп бара жатқандығы жөнінде ақпарат құралдарынан хабардармыз.  Бұдан әрі кеселдің таралуына  жол бермеу үшін  Қаулыда көрсетілген талаптарды орындау керек.  Бұрынша қалыпты жағдайға  оралу алдағы күндердің еншісінде екенін білеміз. Сондықтан шектеу шараларын мұқият орындайық.  

Адамдардың салғырттыққа бой алдырып, немқұрайлылық танытуы ахуалды күрделентеді. Қаулыда көрсетілген екінші деңгейдегі банктерге, «Қазпошта» АҚ филиалына, айырбастау пунктеріне, пошталық, коммуналдық, телекоммуникациялық қызмет көрсететін кәсіпорындар мен ұйымдарға қойылған талап орынды. Мұнда халықтың басым бөлігі жеке басының жұмысымен күнделікті келіп жатады. Санаулы минутта банкоматтан  ақша алып, кері шығамын деген оймен  жекелеген азаматтар ережені бұзып жатады. Немесе құжаттарды рәсімдеп, бірнеше сағат сол жерде уақыт өткізеді. Кезекке тұрмастан, ара қашықтықты сақтамастан  қойылған талапқа бағынбайды. Мұндайда бір-бірімізге ескерту жасап, ережені бағыну керектігін түсіндіру маңызды. Елдегі ахуал тұрақтанғанша тек  темірдей тәртіптіке бағыну басты қағида.

Гаухар Сəрсенбаева,

аудандық мәдениет үйінің әдіскері