Жастарды саламатты өмір салтын ұстануға үндейік

Қазақстанның Тұңғыш Президенті – Елбасы Нұрсұлтан Назарбаевтың «Бірлесе білген ел бәрін жеңеді» атты мақаласын Egemen Qazaqstan газетіне жариялаған болатын. Мақаланы бір деммен оқып шықтым. Елбасы халықты  үрейге бой алдырмау керектігін айтып, сабырлыққа шақырды. Жастарды  еңбекке, білім алуға бағдар көрсетіп, жақсы ізгі амалдарға баулу аға буынның міндеті. Оларды  жарқын болашақ күтіп тұр. Мызғымас бірлігіміз сыналар шақта жастарымыз белсенді әрекет етуі қажет. Толайым істерге үн қосып, сақтық шарасын күшейткен абзал. Қажырлы еңбектің арқасында   алдағы уақытта жақсы нәтижеге қол жеткіземіз деген үміт басым.

Елдегі ахуалға байланысты бір арнаға ұйысып, індетпен күрес жүргізуге мүдделеміз.   Елбасы өз сөзінде: «Әлем тарихында ондаған жылға, тіпті жүз жылдан да астам уақытқа созылған талай соғыстар, шиеленісті жағдайлар мен кикілжіңдер орын алған. Миллиондаған адамды баудай түсірген індеттер де аз болмаған. Адамзат соның бәрін жеңген. Жан алқымнан алып тұрған бұл шырғалаңнан да шығамыз. Әлемнің ең алпауыт мемлекеттері осы қиындықтан сабақ алуы керек» деген болатын. Бізде әлемді жайлаған індетпен күресте жауапкершілікті сезінуіміз керек. Қиын-қыстау күндері бір-бірімізге қолдау көрсетіп, ауызбіршілік танытайық. Жастарды  саламатты өмір салтын ұстануға үндейік.  

Ержан ЖАҚЫПОВ,

Сырдария аудандық мәслихат депутаты