Тамақ ауруының сыры неде?

Әдетте қыс мезгілінде баспа, тұмау, т.б. жұқпалы аурулар көбейіп кетеді.

Баспа – стрептококк бактериясының қоздыруынан көмейдегі бадамша бездерінің қабынуы нәтижесінде болатын жұқпалы тамақ ауруы.

Баспа медицина тұрғысынан:

• адам ағзасы иммунитетінің қабілеті төмендегенде;

• суық тигізгенде;

• дәрумендер жетіспегенде;

• шаршағанда, т.б. әсерлердің салдарынан пайда болады.

Тамақ ауруын уақытылы емдемесе, ауру асқынып, жүрек, бүйрек, сияқты ішкі органдар зақымдалады. Сондықтан ауруға мән бермей, өз бетімен дәрі ішіп жүре бермей, маман-дәрігерге міндетті түрде көрініп, емделген жөн.

Тамақты сода, тұз ерітінділерімен, түймедақ гүлінің тұнбасымен шайып, дәрігер кеңес берген антибиотиктерді ішу қажет.

Егер сіз дәрігерлердің кеңесін бұлжытпай орындасаңыз да баспа ауруымен жиі-жиі науқастана берсеңіз, онда психоаналитик маманға жүгініңіз. Себебі психология тұрғысынан алғанда аталмыш аурумен өзіне көп шектеу қойып, пікірін, наразылығын айта алмай, іштей булыққан жандар көп ауырады. Сол себепті жағдайыңызды таразылап көріңіз. Егер сіз біреуге ренжіген болсаңыз, сол кісімен ойша сөйлесіп, өз ренішіңізді айтыңыз. Ол кісіні де, өзіңізді де кешіруге тырысыңыз.

Тезірек сауығып кетуіңізге тілектеспіз!