Шығынға бармас үшін сақтану қажет

Өрт – адамдарға, жалпы қоғамға қауіп төндіретін құбылыс. өрт оқи­ғалары кө­біне өзіміздің салғырттығымыздан, жауап­сыз­дығымыздан бо­лып жатады. Оның салдарынан материалдық шығын келіп қана қой­майды, Кей жағдайда адам өміріне де қауіп төнеді. Өрт себебінен көп шығынға ұшырап, зардап шегушілер бүгінде аз емес.

2019 жылдың 9 айында ауданы бойынша 40 өрт оқиғасы тіркелген. Өткен жылмен салыстырғанда 16 немесе 40 процентке көбейген. 41 өртке жатпайтын жану оқиғасы (2018 жылы – 66) тіркелген. Тілсіз жаудан қаза тауып, өрт кезінде күйік алған азаматтар жоқ (2018 жылы – жоқ). Ал жеке тұрғын үйлерде – 29, автокөліктерде – 8, нысандарда 3 өрт оқиғасы орын алған. Олардың негізгі шығу себебі пештің ақаулығынан немесе пеш пайдалану кезінде өртке қарсы қауіпсіздік ережесін сақтамаудан, электр желі­лерінің қысқаша тұйық­талуынан, бала­лардың отпен ойнауынан, ашық отты пайдаланудан болып отыр.

Қазақстан Рес­­­­­­­пуб­ликасының Ә­кім­­­­­­­­шілік құқық бұ­­­зу­шылық туралы Кодексінде өрт қауіпсіздік ере­желерін бұзғаны немесе орындамағаны үшін өрт оқиғасындағы кінәлі тұл­ғаларға әкімшілік шаралар көрілетіні ескертілген. Сонымен қатар қасақана от қойылған жағдайда кінәлі тұл­ғаға Қазақстан Республикасының Қыл­мыстық Кодексінің баптарына сәйкес қылмыстық іс қозғалады.

Өрт – айтып келмейтін апат, яғни өрт оқиғасы бола қалған жағдайда үлкен шығынға әкеліп соғатыны бар­лығымызға мәлім. Сондықтан бұл апаттан әрдайым сақтанғанымыз дұрыс.

Төтенше жағдай орын алғанда шұғыл түрде өрт сөндіру бөліміне, «101» немесе «112» телефонына хабарласып, сала мамандарына мәлімет айтылуы керек.

Сырдария ауданының

төтенше жағдайлар бөлімі