Қазіргі уақытта әлем халық­тарының ішінде танымал­ды­­лық­­қа ие «Monefy» қосымшасы көбірек ақша жинауға пайдалы. Бұл қосымшада өзіңіздің шығын­дарыңыз бен кірістерді бақылау­ға мүмкіндік зор. Оның көмегімен бюджет құруға, несие картасы мен шот бойын­ша хабарландыру алуға болады. Қаржылық әдетті талдауға барынша жағдай жасалған. Қосымшаны қолдану аясында қаржылық мақсат­тарды орындау үшін сан түрлі ұсыныстар түседі. Күнделікті немесе белгілі мерзімдегі шығындарды қосым­ша арқылы бөліп қарастыруға мүмкін­дік зор. Кірістелген калькулятор бойынша статистиканы тал­дап, бюджетті еселеу қарас­тырылған.

Ал «CoinKeeper» қо­сым­­ша­сы­мен бірге бол­­­ған жандар кіріс пен шығысты ұдайы назарын­да ұстай алады. Ол – басқалардан функ­ция­сы көптігімен ерекшеленеді. Тегін нұсқасында шығыс пен кірісті қол­мен енгізу жүзеге асырылады. Шығындар­дың белгілі бір санаттарына шектеу қоюға, түрлі валюталарды есепке алуға барлық жағдай жасалған. Төлем­дерді жоспарлауға, қолданбаны басқа ақылды гаджеттермен, компьютермен синхрондауға ықпал етеді.

«Wallet» бағдарламасын пайдаланушы жандар ақша, бюджет, қар­жы және шығыс есебін ұзақ мерзім­ге жоспарлауға қолданады. Қаржы­лық есеп бағдарламасы халықара­лық мәртебеге ие. Аталған «Wallet» бағдарламасы әлемдегі 4000 банкпен синхрондалады. Басқа бағдарламаларға қарағанда артық­шылы­ғы – банктегі ақпаратты импорт­тайды. Барлық мәліметті кес­теге экспорт­тап, дайындап береді. Қаржыны дәл бақылауға септігін тигізетін бағдарлама толық есеп беруге қауқарлы.

Экономикалық өсім мен жылдық табыс бюджетін жоспарлай алатын жандар қаржы жинауға машықтанған. Ұдайы ақшаны тиімді жарата білуді білгенде табысты еселеуге жол ашылады. Ендеше, күнделікті қаржыны басқара білуді арнайы қосымшаның көмегімен жүзеге асыра білейік.