Тіршілік тынысы Tirshilik-tynysy.kz ақпараттық агенттігі
» » Әлеуметтік маңызды өнімдердің бағасы бекітілді

Әлеуметтік маңызды өнімдердің бағасы бекітілді

Қазақстанның сауда министрлігі, ауыл шаруашылығы министрлігі және ұлттық экономика министрлігі төтенше жағдай режимінде әлеуметтік маңызы бар өнімдердің бағаларын бекітті деп хабарлайды KAZ.NUR.KZ.

Қазақстандықтар арасында қандай өнімдер ең танымал екенін анықтау үшін министрліктер талдау жүргізді.

Ел тұрғындары көбіне нан, ұн, жұмыртқа, тұз, қарақұмық, күнбағыс майы, күріш, сиыр етін сатып алатыны белгілі болды.

Халық арасында сұранысқа ие осы тауарлардың бағасы жыл басындағы үш айда көтерілді. Сондықтан әр тауардың шекті құнын анықтау туралы шешім қабылданды, алайда әр түрлі аймақтар үшін бағалар әр түрлі.

Мәселен, елордада 1 кг нан шамамен 150 теңге тұрады, екі қалада - 146 теңге, ал аймақтарда - 120-дан 164 теңгеге дейін тұрады. Мұнда бағаның бір килограмға есептелгені атап өтіледі, сондықтан бір бөлке нанның құны екі мегаполис үшін 80 теңге, ал астана үшін 82,5 теңге болады.

Сондай-ақ, сиыр етіне баға белгіленді. Мәселен, елорда тұрғындары бір келі ет үшін 2113 теңгеден, алматылықтар 2169 теңгеден, ал шымкенттіктер 1904 теңгеден төлейді.

Екі астанада қарақұмықтың бір келісі 400 теңге, ал үшінші мегаполисте - 318 теңге тұрады.

Бағаны көтергені үшін кәсіпкерлерге 265-тен 530 мың теңгеге дейін айыппұл салынатындығы айтылған.

Жаңа платформаны қолдана отырып, қазақстандықтардың өздері өнім бағасын бақылауға көмектесе алады. Ол үшін чектегі деректерді теру керек.
05 сәуір 2020 ж. 556 0