Бразилияда улы шаян шаққан шақалақ аман қалды



Сәбидің туғанына үш-ақ күн болған. Анасы баланы жуындырғаннан кейін, жаялық кигізген. Бірақ ол жаялыққа улы сарышаян кіріп кеткенін байқамай қалған. Содан кейін баланың жағдайы нашарлап, аузынан көбік аға бастаған. Анасы баланы алып дереу ауруханаға апарған. Ал дәрігерлер баланың бұтындағы жаялықтан шаянды тапқан. Шаян баланы құйрығынан жеті рет шағып алған. Дәрігерлер екі сағат бойы уға қарсы екпе салған. Бала бірнеше күн реанимацияда жатып, аман қалған.