Ресейде жолаушыларды құтқарған қазақ жігіті марапатталды
Ресейдің Санкт-Петербург қаласында көпірден құлап, суға батқан автобустың жолаушыларын құтқаруға қатысқандардың барлығы марапатталған. Марапат алғанның бірі Қазақстанның тумасы Ерхан Аханов, деп жазады Egemen.kz.Қазақстан тумасы ауыз су жеткізетін компанияда жұмыс істейді, апат болған күні көпірмен қызметтік машинамен жүріп өткен.
«Көліктегі сүйреу арқанын алып, арқанды көпірге байлап алдым. Біз кезекпен төмен түсіп, автобус маңына қарай жүзе бастадық, люктегілерді алып шығуға тырыстық», дейді Ерхан Аханов.
Санкт-Петербург өңірлік марапаты – «Құтқарудағы ерлігі үшін» белгісін және сағат сыйлығын губернатор Александр Беглов 15 қала тұрғынына табыстады.
Фото: Скрин. КТК.
