Сізге керек, қызық дерек
Әлемде талай қызық бар. Біз біле бермейтін сан түрлі оқиға мен тосын жағдайлар күнделікті өмірде кездесіп жатады. «Телеграм» әлеуметтік желісіндегі «Qyzyq eken» арнасында үнемі қызықты ақпарат жарияланып отырады. Өз кезегінде пайдалы және қызықты деректерді назарларыңызға ұсынамыз.– Ғалымдардың зерттеуіне сүйенсек, мең мен қалдың 300-ден астам түрі бар екен.
– Футбол доптарының 80 пайызы Пәкістанда жасалады.
– «Черофобия» дегеніміз – бақытты болудан қорқу.
– Маржан 10 теңіз қабыршығының біреуінде ғана кездеседі.
– «Adidas» компаниясы 1918 жылы ашылған. Ең алғаш ашылған уақытта кәсіпорын мүмкіндігі шектеулі жандарға арналған аяқ киім шығарған.
– Жапонияда ақша жыртқан адамды 1 жылға бас бостандығынан айырады немесе 2 мың доллар айыппұл салады.
– Мысық асырайтын ер адамдар ұзақ өмір сүретіні анықталған. 85 жасқа дейін өмір сүргендердің 75 пайызы мысық асыраған екен.
– Финляндияда жұмысшының еңбекақысына жұмыс орнында ұйықтағаны үшін қосымша қаражат қосылады.
– Әлем халқының 80 пайызы тісін тазалағанда крандағы суды ағызып қояды.
– Африкадағы «Ватусси» тайпасының адамдарының бойының орташа ұзындығы 210 см құрайды.
– Нәресте дүниеге келгенде жүрегі минутына 180 рет соғады.
– Жапонияда қара мысық сәттілік белгісі саналады.
– Жүгері Антарктидадан басқа құрлықтың бәрінде өседі.
– Онтүстік Кореяда тегі бірдей жандардың үйленуіне тыйым салынған.
– Қолтырауын өз жемтігін жеген кезде оны жоқтап жылайды.
– Африка пілдері дауысты табанымен естиді.
– Ең ұзақ көлік кептелісі Қытайда 11 күнге созылған.
– Адамдарда бірдей саусақ таңбалары кездеспейді. Бір ғана сызықтың дәл сол жерде кездесу мүмкіндігі 24 млн-ға 1 рет қана кездеседі.
– Қатты ыстық мидың жұмысын 13 пайызға азайтады.
– Көз жасындағы тұздың мөлшері – 0,9 пайызды құрайды.
– Финляндияда азамат ғаламторға тәуелді болса, әскерден босатылады.
– Адам баласы өмір бойы жүрген қадамын есептейтін болса, әлемді 5 рет айналып шығады.
– Колибри құсы 1 секундта 10 рет қанатын қаға алады.– Галлий металлы 26,8 градуста ериді. Қолға ұстасаңыз ол балқи бастайды.
– Ағаштың дінін тесу кезінде тоқылдақтың тұмсығы сағатына 25 шақырым жылдамдықпен қозғалып, бір күнде 12 мыңдай соққы жасайды.
– Балалар көктемде басқа мезгілге қарағанда 3 есе жылдам өседі.
– Жасанды шаш алғаш Мысырда пайда болған. Перғауын отбасында балдыр, жүгері, зығырдан жасанды шаш киген.
– Адам орта есеппен өмірінің 2 жылын телефонмен сөйлесіп өткізеді.
– Адам денесінде 0,2 миллиграм алтын бар.
– Мұхаммед Әлидің ең қатты соққысы 1 тонна болған.
– Ит – адам эмоциясын анықтай алатын бірден бір жануар.
Балтабай Ордабеков
Фото: Н.Нұржаубай
