Украина шиеленісі астық саудасына әсер етті
Украинадағы шиеленіс әлемдегі астық саудасының 25 процентіне әсер етіп отыр, деп хабарлайды «Хабар 24».Бұл туралы осы елдің аграрлық саясат министрлгінің өкілдері хабарлады. Олардың айтуынша, қарулы қақтығыс салдарынан Украина мен Ресейден азық-түлік импорттайтын мемлекеттерде оның бағасы өскен. Негізі әлемде өндірілетін бидай мен арпаның 30 проценті және жүгерінің бестен бірі осы екі елдің үлесінде. Алайда соғыстың кесірінен фермелер егінді жинай алмай отыр. Жеткізу қиын. Оның үстіне санкциялар бар. Мұның сыртында ауыл шаруашылық техникасына қажетті отын құны да шарықтап кетті. БҰҰ өкілдері биыл Украина егіннің үштен бірін жинай алмауы мүмкін деп топшылайды.
