Жылқылардың халықаралық сұлулық байқауы өтті
Катар астанасы Дохада араб жылқыларының халықаралық сұлулық байқауы өтті, деп хабарлайды «Хабар 24». 12 елден 250-ден аса жануар қатысқан сайыстың жүлде қоры 3,5 миллион долларды құраған. Қазылар алқасының 11 мүшесі жылқылардың сыртқы сымбаты мен қимыл-қозғалысын бағалады. 4 күнге созылған жарыс араб жылқыларының сұлулық байқауы Еуропалық комиссия мақұлдаған ережелер бойынша өткізілген. Бас жүлдені жергілікті төрт тұяқты жеңіп алды.
Әл-Дана Әл-Меслемани, жеңімпаз жылқының иесі:
- Бұл жеңіс өте маңызды. Бұл біз үшін үлкен жетістік қана емес. Енді жақсы ұрпақ алуға мүмкіндік туып отыр.
