Тіршілік тынысы Сырдария аудандық қоғамдық-саяси газет
» » Әлемнің 80 елінде атап өтілетін мереке

Әлемнің 80 елінде атап өтілетін мереке

Жыл сайын 15 қазан күні Бүкіләлемдік қол жуу күні атап өтіледі. Мұндай күнді өткізу бастамасы Дүниежүзілік денсаулық сақтау ұйымына және БҰҰ Балалар қорына (ЮНИСЕФ) тиесілі, деп хабарлайды baq.kz

БҰҰ-ның екі ұйымы қалыптасып кеткен қарапайым қол жуу үрдісі балаларды бірқатар инфекциялық аурудан қорғап қана қоймай, көптеген өмірді сақтап қалатындығын айтудан жалықпай келеді.

ЮНИСЕФ-тің мәліметінше, жыл сайын диарея (іш өту) бір миллион жүз мың баланың өмірін қияды, ал пневмония (өкпенің іріңді қабынуы) бір миллион екі жүз өмірді жалмайды. Қолды сабындап жуу балалар диареясын екі есеге, респираторлы аурулардың санын төрт есеге азайтар еді, - дейді ЮНИСЕФ-тің баспасөз хатшысы Маркси Меркадо.

Мереке жыл сайын әлемнің 80 елінде атап өтіледі. 2010 жылы Бүкіләлемдік қол жуу күніне арналған іс-шараларға әлемнің 70-тен астам елінен 200 миллион адам және 700 мың мектеп қатысты. Бұл күнді ұйымдастырушылар қатысушылардың санын жыл сайын арттырып отыруға ниетті. 2010 жылы Бангладеште 53 мың адам бір мезгілде қол жуып, рекорд орнатты.

15 қазан 2020 ж. 117 0
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам