Үндістанда төрт аяқты балапан дүниеге келді. Иесі қанша ақша ұсынса да, ерекше құсын сатқысы келмейді.
Бұл туралы ағылшын басылымы Mirror-ға сілтеп Stan.kz хабарлайды.
Балапан өмірге екі ай бұрын келген. Оның иесі Үндістанның Мадхья-Прадеш штатында, Роджхада ауылында тұрады. Айтуынша, күн сайын ерекше жаратылысты көру үшін оның үйіне қонақтар көптеп келеді. Тіпті олардың арасында төрт аяқты құс үшін бес мың рупий (шамамен 30 мың теңге) ұсынғандар да болыпты.
 
Мамандардың айтуынша, балапанның төрт аяқты болып тууы генетикалық ауытқушылықпен байланысты.