Енді 1 қыркүйектен бастап жеке тұл­ға­ға банктік қарыз немесе микрокредит алуға жұбайының (зайыбының) келісімін алу ережесі күшіне енетін болады. Жаңа ережені ҚР Қаржы нары­ғын реттеу және дамыту агенттігі бекіт­кен болатын. Құжат Мемлекет бас­шысы 19 маусымда қол қойған қарыз алушылардың құқықтарын қор­ғау және кредиттеу кезінде тәуекел­дерді азайту туралы заңды іске асыру шеңберінде қабылданды. Қаулы негізінде жұбайының келісімі қажет болатын банктік қарыздың немесе микро­кредиттің ең төменгі мөлшері 1000 АЕК болып бекітілді.

Ең алдымен, банктік қарыз немесе микрокредит шартына қол қоймас бұрын банк немесе микроқаржы ұйы­мы клиенттің некеде бар-жоғын Әділет министрлігі жүйесі арқылы тек­серу­ге тиіс. Егер клиенттің некеде екені расталса және алғысы келетін соммасы 1000 АЕК-тен асып кетсе, онда кредитор жұбайының (зайыбының) келісімін алуға міндетті. Аталған келісім еркін жазба­ша нысанда банк­тің бөлім­шелерінде немесе МҚҰ фи­лиалында қағаз тасымал­дағыш­та не электронды нысанда рәсімделетін болады. Сондай-ақ, заңда несие алу­шының жұбайының келісі­мін­сіз берілген қарызды несие беруші есептен шығаруы керек. Ал алатын несие сомасы белгіленген мөлшерге 1000 АЕК-ке жетпесе ерлі-зайыпты­лар­­дың рұқсаты керек болмайды.

– Нормативтік-құқықтық акті­­­­нің жобасында алдын ала 1 мың АЕК (1АЕК – 3 692 мың теңге) деңгейінде болуы керек деп белгіледік. Бұл – шамамен 3 млн 700 мың теңге. Мәсе­лен, ерлі-зайыптылардың біреуі шетелде болуы мүмкін. Осы кезде жұбайы­на шұғыл түрде қаражат керек болуы ықтимал. Біздің ойымызша, бұл сома (1 мың АЕК-ке дейінгі сомадағы нессие) қандай да бір шұғыл қажет жағдайларға, оның ішінде медици­налық көмек мәселесін шешуге жетіп қа­лады, – деді ҚР Қаржы нарығын реттеу және дамыту агенттігі төрағасының орынбасары О.Қизатов.