Жақында өткен бай­қауға Қа­зақстан­ның түрлі қалалары мен аудандарынан өнерпаздар келіп бақ сынады. Бүгінде өзінің би өнеріндегі шеберлігімен сон­дай-ақ осы уақытқа дейінгі жеткен жетістігімен көпшіліктің жү­ре­гін жаулаған «Балауса» халық­­тық би ансамблі тағы бір мәрте мық­тылығын жұртшылыққа дәлел­деді.

– Би ансамбліндегі үлкен топ және кіші топ өнерпаздары да жетіс­тіктерімен көпшілікке аян. Бұл байқау да біз үшін бір белес болды. Хореографы Таңшолпан Бисен­байқызының сі­ңір­ген еңбегі орасан зор. Жалпы әр би қимылын үйренуде биші қыздардың тала­бы жоғары. Олардың байқау үшін дайындаған өнері жүрекке жетері анық. Бірақ та біз үшін бұл жетістік әлі бастамасы. Сон­дықтан тек талмай, өнердегі орнымызды айқындауымыз керек. Ал халықаралық «DANCE BATTLE» бишілер байқауында «Балауса» халықтық би ансамблінің үлкен тобында Анель Оразханова, Інжу Байділда, Адина Төлебаева, Айзат Бағдатқызы, Аяулым Бекберген­қызы, Жанерке Амангелдиева, Аружан Алмасбекқызы және Хан­шайым Қанатқызы есімді биші­леріміз «Ұрпаққа аманат» атты биімен өнер көрсетіп, көрерменнің көңілінен шықты, – дейді жетек­ші балетмейстері Ақмарал Перне­баева.

Халықаралық додада жеңіске жету – тек жеке жетістік емес, ол еліміздің мәдениетіне қосылған үлкен үлес. Сондай-ақ ауданның абыройы мен аймақтың беделі. «Балаусаның» биігі әлі алда. Аудан абыройын асқақтатқан ұжымды шын жүректен құттықтаймыз!