Өнерлі оқушы – байқау жеңімпазы

Гүлім Серік – №35 И.Тоқтыбаев атындағы мек­теп-лицейдің 3-сынып оқушысы. Талантты оқу­шы өнер байқауларында бақ сынап,­ жеңімпаз атанып келеді. Жақында Гүлім халықаралық байқаудан жүлдемен оралды.

«Атадан мұра» қоғамдық қо­рының ұйымдастыруымен «Ұлы да­ла ұрпағы» атты Ү республикалық байқаудың облыстық кезеңінде алдымен бақ сынаған өнерпаз оқушы үздіктердің қатарынан көрінді. Бай­қауда «Құтты ұя» әнін орындап, екінші орын жеңімпазы атанды. Гүлім арнайы сертификатпен ма­рапатталып, халықаралық бай­қауға қатысуға жолдаманы жеңіп алды. Жас әншіні бай­қау­ға дайындаған музыка пәнінің мұ­ғалімі Айнұр Ахметова халық­аралық деңгейде өтетін байқауға тыңғылықты дайындық жүргізіп, нәтижесінде екінші орын жүлдесіне ие болғанын айтады.

– «Ана туралы» жыр атты халықаралық байқауды ұйымдас­тырған «Атадан мұра» қоғамдық қорына биыл 15 жыл толды. Байқауға Қазақстаннан бөлек Өз­бекстан, Қырғызстан елдерінен келген өнерпаз оқушылар қатысты. Гүлім Серік Құрманғазы атындағы консерваторияның концерттік залында өткен байқауда «Қасиетті елім» атты әнді орындады. Қа­зы­лар алқасының көңілінен шық­қан өнерпаз байқаудан екінші орын алып, Сыр елінің атын шығар­ды. Алдағы уақытта осындай байқау­ларға қатысып, одан әрі талантын шыңдай түседі деген сенімдемін, – дейді ұстазы Айнұр Ахметова.

Үздік шәкірт дайындаған ұстаз­ға да қоғамдық қордың атынан арнайы алғыс хат табысталды.

Сыр елінің кішкентай өнерпа­зына таудай талап тілейміз!

Б.ТАҢАТАРҚЫЗЫ