Тіршілік тынысы Tirshilik-tynysy.kz ақпараттық агенттігі
» » » Поэзия кешіне шақырамыз!

Поэзия кешіне шақырамыз!

Сырдария ауданында танымал тұлғалар мен ақиық ақындар жетерлік. Солардың бірі және бірегейі Асқар Тоқмағамбетовтың есімін жастар арасында дәріптеу басты мақсатымыз болып отыр. Осыған байланысты ақынның туған жерінде Сырдария ауданы әкімдігінің қолдауымен "Поэзия" кешін ұйымдастыру жоспарлануда.

Аймағымызға танымал ақындар мен жергілікті ақындардың ақынның атындағы мектептегі әдебиет сыныбында оқушылармен кездесу және қолданған дүниелері мен кітаптары сақталған мұражаймен танысу жұмыстары жүргізіледі.

Мұнан соң Сырдария аудандық жастар ресурстық орталығының ұйымдастыруымен ақынның есімі берілген ауылдық клуб үйінде арнайы қонақтарымыз Түменбай Ақжол, Айдар Сайлауов, Жанар Бимураткызы, Үкітай Ерниязов, Әл-Фараби Бекарысұлы, "Кітап құрттары" кітап клубының жетекшісі Талғат Меңдібаев, Ақтөре Ибрагимұлы т.б және жергілікті ақындардың қатысуымен "Поэзия" кеші өтеді.

Барлық ақындарға ашық микрофон ұсынылып, еркін тақырыпта жүрек сырын ақтаруға мүмкіндік беріледі!

Сырдария аудандық
жастар ресурстық орталығы
12 қазан 2022 ж. 782 0