Абыройы биік Ақжарма жастары

Ақжарма ауылының әкімі Е.Ешмұратов ауыл­дың әлеуметтік-эко­номикалық, қоғам­дық-саяси дамуына атса­лысып жүрген ауыл жастарын қабылдап, төл мерекелерімен құт­тық­тады. Ауыл басшысы жастар қоғамның қозғаушы күші екенін айтып, байыпты бас­тамаларына сәттілік тіледі.

– Жастар – ел ертеңінің тірегі, бәсе­кеге қабілеттілігінің негізгі факторы. Ал бәсе­кеге қабілетті болу үшін өскелең ұрпақ ұлы­лардың ұлағатты өмір жолынан үлгі алып, келешекке кедергісіз жету мақ­сатында аянбай еңбек ете білуі керек. Ел болашағы – жас­тарымыздың білі­мі мен күш-жігеріне, патриот­тық сезі­міне тікелей байланысты. Қай кезде де мем­лекетіміздің гүлденіп, қары­ш­тап дамуы үшін ауыл жастарының тың идеясы, орнықты пікірі қажет. Біз жас­тардың жалынды жігерімен жаңа Қазақ­с­танның іргесін бірге қалауға, қолдау көр­сетуге әрқашан дайынбыз. Алдағы уақытта да білім мен біліктіліктеріңізді ауы­лы­мыз­дың өркендеуіне арнап, жас­тар саясатын да­мытудағы мемле­кеттік бағдар­лама­лар­дың жүзеге асыры­луына үлес қоса беретін­деріңізге сенемін, – деген ауыл әкімі бір­қатар жасты «Алғыс хатпен» марапаттады.

Кездесуде ауыл жастары ұсыныс-пікір­лерін ортаға салып, өз ойларымен бөлісті. Ауыл әкімі аппаратының жастар ісі жөніндегі маманы П.Асқарова жастар саясатын дамыту мақсатында атқарылып жатқан жұмыстар жөнінде мағлұматтармен бөлісті.

Жастар мерекесіне орай салтанатты іс-шара кешке орталық алаңда жалғасты. Іс-шараға ауыл халқымен қатар аудан, облыс орталығынан келген қонақтар, ауылдағы ме­кеме басшылары мен қызметкерлер қа­тысты.

Мерекелік іс-шараны аудандық мәслихат депутаты Ақтөре Ибрагимұлы құттықтау сөзбен ашып, жиналғандарды Жастар күні­мен құттықтады.

– Бүгін халықаралық жастар күніне орай бірнеше ауылдан мерекелік іс-шараларға қатысу жөнінде шақыру түскенімен тіректі ауыл саналатын, құт қонып, бақ дарыған киелі Ақжарма ауылы жастарының қуаны­шына ортақтасуды жөн көрдім. Ауылдың дамуына, ауылдағы қоғамдық саяси іс-шаралардың жоғары деңгейде өткізілуіне өз үлестерін қосып келе жатқан жастарға алғысымды білдіремін. Баршаңыздың ал­дағы жоспарларыңызға сәттілік тілеп, аудан­ның, ауылдың абыройын көтере беру­леріңізге тілектестігімді білдіремін, – деген аудандық мәслихат депутаты бірқатар жасқа аудандық Жастар ресурстық орталығы директорының Алғыс хатын табыс­тады.

Бұл күні ауыл өнерпаздары әннен, жырдан шашу шашып, жиналған жұртшылыққа көтеріңкі көңіл-күй сыйлады. Ауыл талант­тарының өнерін тамашалап, зор шабыт алып, риза болған ауыл халқы іс-шараны ұйым­дастырушыларға алғыстарын айтты. Айта кету керек, іс-шара А.Темірханов басқа­ратын ауылдық мәдениет үйінің бірле­се ұйым­дас­тыруымен өткізілді.

«Тт» ақпарат