Онлайн концертте ән шырқады
Ұлы Жеңістің 76 жылдығына орай «Jas Otan» Жастар қанатының Қызылорда облыстық филиалы онлайн концерт ұйымдастырды. «Инстаграм» әлеуметтік желісінде өткізілген концертті облыс жастары мен әлеуметтік желі белсенділері тамашалады.Концертте «Jas Otan» Жастар қанатының Сырдария аудандық бөлімшесінің ұсынысымен сырдариялық жас әнші Динара Жакешова ән айтып, өнер көрсетті. Динара Жакешова бұл жолы орыс ұлтының «Огонек» халық әнін шырқады.
– Жеңіс күніне орай ұйымдастырылған іс-шараға қатысып, ауданымыздың атынан өнер көрсеткеніме қуаныштымын. Бүгінгі бейбіт күніміз, мамыражай тірлігіміз майдангерлердің арқасында келгенін білеміз. Жастар ардагерлерге әркез құрмет көрсетуі қажет деп есептеймін. Мерейлі мерекедегі біздің барлық өнеріміз жауынгерлерге арналады, – дейді Динара Жакешова.
«ТТ» ақпарат
