Сырдариялық кітапханашы марапатталды

Қазақстан Республикалық «Бір ел – бір кітап» акциясы аясында жыл кітабына Қазақстанның Халық жазушы Әнуар Әлімжановтың «Ұстаздың оралуы» шығармасы ұсынылды.

Осыған орай облыстық Ә.Тәжібаев атындағы әмбебеп-ғылыми кітапханасы «Жыл кітабын бірге оқимыз» атты облыстық кітапханашылар онлайн байқауын ұйымдастырды.

Байқауға Сырдария аудандық орталық кітапхананың кітапханашысы Р.Құлмаханова қатысып, байқау ережесіне сәйкес мазмұнды шығармаға жан-жақты талдау жасап, оқырман назарына ашып көрсете білді. Адамзат баласының рухани жан азығына айналған кітаптардың бірін насихаттаудағы белсенділігі үшін кітапханашы Раушан Құлмаханова «Алғыс хатпен» марапатталды.

"Тт" ақпарат