Көрмеге Абай Құнанбайұлы тұтынған асадал қойылды

Қызылорда қаласындағы С.Айтбаев атындағы көркемсурет галереясында «Екінші ұстаз», данышпан Әбу Насыр әл-Фарабидің 1150 жылдығына, ұлы ақын Абай Құнанбайұлының 175 жылдығына және Алтын Орда мемлекетінің 750 жылдығына орай «Қанат жайған руханият» атты көрме өтуде.

Көрмеге Қазақстанның бейнелеу өнеріне өзіндік үлес қосқан танымал қылқалам шебері А.Дүзелханов пен жергілікті суретшілердің туындылары және А.Құнанбайұлының осыған дейінгі жинақтарына енбеген «Жаңа закон» өлеңі, «Қозы Көрпеш - Баян сұлу» поэмасы, Омбы облыстық мемлекеттік архивінде сақталған «Құнанбай Өскенбайұлының ісі» атты архивтік тың материалдар көшірмесі қойылды.

Сонымен қатар Сырдария аудандық тарихи-өлкетану музейі қорындағы Ұлы ақын А.Құнанбаев тұтынған асадал шкаф пен жерлесіміз С.Ембергеновтың А.Құнанбаевтың 150 жылдығы мерейтойына арнап ағашқа ойып жасаған картинасы қойылып, облыс жұртшылығына таныстырылуда.

"ТТ" ақпарат