Димаш Құдайберген Ресей жерінде өткен концертінде «Адай» күйін тартып, Мәскеу жұртын аузына қаратты, деп хабарлайды Stan.kz ақпарат агенттігі.

Әнші қай елде концерт қойса да, қазақтың киелі өнерін паш етуден шаршамайтынын айтады.
«Адай күйi - бұрынғы ел батырларының намысын шыңдап, жігерін қайрайтын ұран болған. Қазақтың жаны, қазақтың намысы, қазақтың жүрегі - домбыра. Менің қай елдегі болмасын ән кештерімде сан ғасырлар бойы қазағымның бастан өткізген, тарихын баяндау үшін қара домбырамды серік етіп өтсем деймін. Нағыз қазақ қазақ емес, нағыз қазақ - домбыра!» - дейді ол.
Желі қолданушылары өз кезегінде Димаштың орындауындағы күйді тамсана тыңдағанын жарыса жазып жатыр.