Назарбаев Мәскеудің Қызыл алаңында өткен парадқа қатысты
ҚР Тұңғыш президенті Нұрсұлтан Назарбаев Жеңіс күні Мәскеудегі Қызыл алаңда шеруге қатысты.
Қазақстан Республикасы тұңғыш президентінің баспасөз хатшысы Айдос Үкібай Twitter-дегі парақшасында Нұрсұлтан Назарбаевты Ресей президенті Владимир Путин салтанатты шараға шақырғанын жазды.
"Нұрсұлтан Назарбаев Ресей Федерациясының президенті Владимир Путиннің шақыруымен Мәскеудегі Қызыл алаңда жеңістің 74 жылдығына орай өткен әскери парадқа қатысады", - деді Үкібай.
Кремльдің сайтында Нұрсұлтан Назарбаевтың Жеңіс күніне орай өткен шерудің құрметті қонағы болғанын жазды.
