Ресей президенті Владимир Путин Қасым-Жомарт Тоқаевтың Мәскеуге ресми сапарынан кейін Қазақстан көшбасшысымен енді Нұр-Сұлтанда кездесуді жоспарлап отырғанын айтты деп хабарлайды KAZ.NUR.KZ.

"Біз президент Тоқаевпен жақында қайта кездесетін боламыз. 29 мамырда Нұр-Сұлтанда Еуразиялық экономикалық одақтың бес жылдығына орай Жоғарғы Еуразиялық экономикалық кеңестің отырысы жоспарланған. Бұл мерекелік шараны дәл Қазақстан астанасында өткізу өте символды, себебі дәл сол жақта Еуразиялық экономикалық қоғамдастықты құру туралы келісім шартқа қол қойылды", - деп мәлімдеді Путин.