Индустриалды-инновациялық даму мемлекеттік бағдарламасы аясында жүзеге асырылған 24 жобаның 19 жоспарлы қуаттылықты 50-ден 100% дейін игерді.

«Мемлекет басшысы нақтылағандай, біз 2013 жылдан бастап индустрияландыру арқылы экономиканы әртараптандыруды алдымызға басты міндет етіп қойдық. 2018 жылы аймақта өңдеу секторына салынған инвестиция көлемі 37,6%-ға өсті. Индустриялық-инновациялық дамудың мемлекеттік бағдарламасы (ГПИИР) аясында жүзеге асырылып жатқан 24 жобаның 19-ы 50%-дан 100%-ға дейін жоспарлы қуаттылығын игерді. Соңғы жыл ішінде олар шығарған өнім көлемі (32%-ға) және экспорт көлемі (33%-ға) үштен бірге өсті»,-деді аймақ басшысы.

"Баласауысқандық" ванадий кен орнынан экспортталатын өнім көлемі 70% артты.

"Арал тұз" АҚ экспортқа шығарылатын өнім үлесін 61 пайыздан 72% дейін арттырды. Сонымен қатар, 2018 жылы алғаш рет "Аралтұз" АҚ украин нарығына 462 тонна тұз экспорттады. Ал 2019 жылы Украинаға экспорт көлемін тағы 3 есеге, ал Ресей нарығына жөнелтілетін өнім көлемін 20% арттыру жоспарланып отыр.

2018 жылдың желтоқсанында тампонажды цемент өндіретін ең ірі зауыттардың бірі мерзімінен бұрын іске қосылды. Бұл да экспортқа бағытталған өндіріс болып табылады. Қазіргі уақытта кәсіпорын цемент өндіру үшін негізгі компонент - 11 мың тоннадан астам клинкер шығарды, ал ағымдағы жылдың сәуір айынан бастап зауыт тікелей цемент өндіретін болады.

Қазан айында "Шалқия" қорғасын-мырыш кен орнында тау-кен байыту комбинатының құрылысы жобасын іске асыруға кірісті.

Сондай-ақ, Арал қаласында кальцийлендірілген сода зауытын салу жобасы бойынша жұмыс басталды, қазіргі уақытта зауытқа инженерлік инфрақұрылымды жеткізу мәселесі қарастырылуда.