«Қазгидромет» РМҚ мәліметінше, Ақмола, Қызылорда, Түркістан және Жамбыл облыстарында дауылды ескерту жарияланды.

Синоптиктер 30 желтоқсанның түнінде Түркістан облысында қатты жауын-шашын болады деп болжап отыр. Сонымен қатар алдағы тәулікте облыста тұман, жел күтілуде. Солтүстік-батыстан соққан желдің кші 15-20 м/с, екпіні 25 м/с болады. Жолдарда көктайғақ болуы мүмкін.

Шымкент пен Түркістанда да ауа райы осы тәрізді болады деп күтіледі.

Ақмола облысы мен Астанада 30-31 желтоқсанда жел, тұман және көктайғақ болады. Оңтүстік-батыстан және батыстан соққан жел 15-20 м/с дейін күшейеді.

Сонымен қатар Таразда және Жамбыл облысында жел күшейеді деп болжануда. Желдің екпіні 23-28 м/с жетуі ықтимал. Облыста тұман тұтып, жолдарда мұз қатады.

Қызылорда облысында 30 желтоқсан-1 қаңтар аралығында тұман тұтады деп болжанып отыр.