Күз – қашаннан тоқшылық пен молшылықтың, табиғат ананың бір жемісін төгетін мезгілі. Ала жаздай білек түре еңбек еткендер осы қоңыр күзде еткен бейнетінің зейнетін көріп, рахатқа кенеледі.
Бүгін Тереңөзек кенті орталығында "Алтын дән-2018" мерекелік шарасына орай ауыл шаруашылығы өнімдерінің жəрмеңкесі өтті.
Жәрмеңкеде болған аудан әкімі Ғ.Қазантаев бағаның қол жетімділігін көріп, тұтынушылар мен сатушыларға сәттілік тіледі.
Ауыл шаруашылығы өнімдері нарық бағасынан 15-20% арзан бағада сатылды және қойылған өнімдерге кент тұрғындарының сұранысы жоғары болды.
Жəрмеңкеден арзан өнім алып, ұйымдастырушыларға шынайы ризашылығын білдерген тұрғындардың көңіл-күйі жоғары.