Жақында Сырдария аудандық сотында сыбайлас жемқорлыққа қарсы күресу тақырыбында семинар өтті.

Іс-шараға кеңсе меңгерушісі Р.Сүлейменова, аудандық МКҚБ-ның полиция қызметкері Б.Әлдібайұлы және сот қызметкерлері қатысты.

Семинарда бас маман Б.Бисенбай өз баяндамасында 18 қараша 2015 жылы қабылданған «Сыбайлас жемқорлыққа қарсы іс-қимыл туралы» Заңның негізгі бағыттарына назар аударды.

Аталған заң сыбайлас жемқорлыққа қарсы іс-қимыл саласындағы қоғамдық қатынастарды реттейтіндігін және Қазақстан Республикасында сыбайлас жемқорлыққа қарсы саясатты іске асыруға бағытталғандығын, сыбайлас жемқорлыққа қарсы іс-қимылдың мақсаты қоғамда сыбайлас жемқорлықты жою болып табылатындығын айтты.

Кеңсе меңгерушісі Р.Сүлейменова сыбайлас жемқорлыққа қарсы іс-қимыл әр адамның міндеті мен борышы екендігін, оның біздің мемлекетімізбен демократиямызға нұқсан келтіретіндігін, сондықтан, кез-келген сыбайлас жемқорлыққа қарсы іс-қимылда қоғамда төзбестік қалыптастыру үшін алдағы уақытта жүйелі жағдайлар жасалу керектігін және сыбайлас жемқорлыққа қарсы іс-қимылда барлық мемлекеттік қызметшілердің қатысуы қажеттігін, әрбір мемлекеттік қызметші тек өз іс-әрекеттері үшін жауапты емес, сондай-ақ тұтастай ұжымның жұмысы үшін де жауапты екендігін айтып, сыбайлас жемқорлыққа қарсы іс-қимыл жөніндегі Қазақстан Республикасы заңнамасының талаптарының орындалуы ұдайы бақылауда екендігін түсіндіріп өтті.

Семинар жұмысын қорытындылаған кеңсе меңгерушісі Р.Сүлейменова қандай жағдайда болмасын сыбайлас жемқорлыққа қарсы тұру керектігін қатаң тапсырды.